نزار مەحمود بۆ زایەڵە وەڵام دەداتەوە: چۆن ڕێگا لە نەمانی گۆڕان دەگیردرێت؟

زایەڵە - نزار مەحمود  جەخت لەسەر ئەوە دەکاتەوە کە هەر لە سەرتای دروست بونی بزوتنەوەی گۆڕانەوە  هەوڵێکی زۆری ئیقلیمی و ناوخۆی بەتایبەت حیزبە دەستەڵاتدارەکان بەتایبەتی تر پارتی هەیە بۆ سڕینە و لەناوبردن و دولەت کردنی.
لە وتووێژی لەگەڵ پەیامنێری زایەڵە نزار مەحمود  ئەندامی جڤاتی  نیشتیمانی گۆڕان ڕایگەیاند، هەر لە سەرتای دروست بونی بزوتنەوەی گۆڕانەوە  هەوڵێکی زۆری ئیقلیمی و ناوخۆی بەتایبەت حیزبە دەستەڵاتدارەکان بەتایبەتی تر پارتی هەیە بۆ سڕینە و لەناوبردن و دولەت کردنی بۆ ئەوەی ئەم بزوتنەوەیە و پرۆژە کە بۆ ڕیفۆرم  وشێوازی بەڕێوەبردنی وڵات  و ئومێدی گۆڕانکاری کۆتای پێ بێت .
ڕاشیگەیاند: بەدەست تێکەڵ کردنی هەموو لایەک و نەزانی ئەوانەی دوای کاک نەوشیروان  دەستەڵاتی باڵایان هەبووو کەوتنە تەڵەی نەیارەکان و بەئاسانی بزوتنەوەکەیان کردە شەریکو بەشداری کارە خراپەکانی ئەوان و دەرکردن و نائومێد کردنی هەزاران هەڵسوڕاو کادرو سەرکردەی گۆڕان .
وتیشی، بەم کار و هەڵوێستانەیان هەر لە بەڵێ بۆ ڕیفراندۆم و دەستگرتن بەحکومەت و پۆست وە گوێنەگرتن لە بڕیارەکانی جڤاتی نیشتمانی و بێباکی لە بەرامبەر ئازارەکانی خەڵک کە دورە لە  ڕێبازی کاک نەشیروان بزوتنەوەکەیان کرد بەسفر کورسی و نەیارەکانیش دواجار لەڕێگەی سەرۆ کایەتی هەرێم هەوڵدەدات لە ڕێگەی پارە و ئیمتیازاتەوە ئەو مەرامەی هەیانە بۆ دولەت کردون کۆتای هێنانی یەکجارەکی گۆڕان بەجێی بگەیەنێت و ئیتر کۆتای بەو پرۆژەیە بێت  و بۆماوەیەکی دورو درێژ بۆخۆیان و کوڕو مناڵەکانیان درێژە بەحکومڕانی گەندەڵ و دزی بدەن بەڵام پێوستە گۆڕانخوازان دەرک،بەو ڕاستیە بکە ن و دژ بەوهەوڵانە بوەستنەوەو نەهێڵن پیلانی نەیارانمان بێتە دی و خەونی گۆڕانکاری لەبار بەرن و پشتیوان و پاڵپشتی دەستوری بزوتنەوەکە بکەن چونکە دەستوری بزوتنەوەکەتان شوێنی و جێگای هەمووانی بەشێوەیەکی شەرعی دیاری کردوە و ڕێگە بەهیچ لادان و نایاسایەک نادات  بۆیە بۆ چارەسەری کێشە و لادانەکان تەنها گەڕانەوەیە بۆ دەستور و بەتەنها دەستور ڕێ لە دولەت بون و نەمانی بزوتنەوەکەتان دەگرێت.
کامەران کەریم