سەرکەفتنی ئەڵمانیا و وەستانی هۆڵەند لە لیگی نەتەوەکانی ئەورووپا

Oct 13, 2024

زایەڵە ـــ هەڵبژاردەی تۆپی پێی ئەڵمانیا لە یارییەکی دەرەوەی یاریگای خۆی یارییەکەی بردەوە.

لەبەردەوامی قۆناغی سێیەمی خولی نەتەوەکانی ئەورووپا و لەگروپی ئەی ئەم پاڵەوانێتییەدا هەڵبژاردەی ئەڵمانیا میوانداری بۆسنیا بوو و توانی بە ئەنجامی 2-1 لە میواندارەکەی بباتەوە.

بۆ مانشافت ئۆنداو لە خولەکەکانی 30 و 36 گۆڵی تۆمارکرد، دوو گۆڵی ئەڵمانییەکانیش لەلایەن سیستەمی ڤیدیۆیی یاریدەدەری ناوبژیوانان (VAR) ڕەتکرانەوە.

لە هەمان گرووپ و لە هەمان یاریدا هەڵبژاردەی هۆڵەندا لە یاریگای خۆیدا بەرامبەر هەنگاریا یاریی کرد و بە یەکسانبوونی 1-1 یارییەکە وەستێنرا.

دەمفریس (83) تاکە گۆڵکەری ئۆرەنج تولیپس بوو لەم یارییەدا.

ڤان دایکیش لە خولەکی 79 کرایە دەرەوە.

له گرنگترین یارییەکانی ئەم گروپه ئەمرۆ شەممه کرواتیا میوانداری سکۆتلەندا دەکات و پورتوگال له یاریگەی خۆیدا ڕووبەرووی پۆڵەندا دەبێتەوه و ئیسپانیا له یاریگەی خۆیدا میوانداری دانیمارک دەکات

لە یارییەکانی دیکەدا ئەنجامەکان بەم شێوەیە بوون:

گرووپی B

کۆماری چیک 2 - ئەلبانیا 0

ئۆکراینا 1 - جۆرجیا 0

ئایسلەند 2 - وێڵز 2

تورکیا 1 - مۆنتینیگرۆ 0

گروپی C

ئیستۆنیا 3 - ئازەربایجان 1

سلۆڤاکیا 2 - سوید 2

کەژاڵ حەمیدی