لەسنوری قەزای دەربەندیخان لەلایەن پۆلیسی دارستانی دەربەندیخان و باوەخۆشێن ٤ ڕاوچی دەستگیرکران .
بەپێی  ڕاپۆرتی  زایەڵە، پۆلیسی دارستان و ژینگەی سلێمانی  ڕایگەیاند،  مەفرەزەکانی بەش و بنکەی پۆلیسی دارستانی دەربەندیخان و  باوەخۆشێن بە هاوبەشی دەرچوون بۆ سەر دەریاچەی دەربەندیخان بە ئامانجی ڕێگریکردن لە راوکردنی ماسی دەستگیر کردنی سەرپێچیکاران ، دوای چاودێریکردن و پشکنینی دەریاچەکە ، توانیان  ٤  ڕاوچی دەستگیر بکەن .
هەروەها توانرا دەست بگرن بەسەر  ٣ تۆڕی ڕاوی ماسی، ٢  بەلەم ،  ٤  صەوڵی بەلەم ،  ٣ ماسی ڕاوکراو ، هەروەها چەندین ماسی زیندوو لە تۆڕەکان لێکرانەوەو خرانەوە ناو دەریاچەکە .
پەڕاوی لێکۆڵینەوە بۆ تۆمەتباران ڕێکخراوە و ڕادەستی بەڕێز دادوەر کراوە بۆ وەرگرتنی ڕێکاری یاسایی .
کامەران کەریم