Jun 03, 2021

قەبارەی فۆنت:

ئەمڕۆ (٣ی حوزەیران) بۆ تاوتوێکردنی بەشە بودجەی ئیدارەی گەرمیان لە بودجەی پەرەپێدانی پارێزگاکان، کۆبوەنەوەی ھاوبەشی ئیدارەی گەرمیان و لیژنەیەکی ئەنجومەنی پارێزگای سلێمانی لە دیوانی ئیدارەی گەرمیان بەڕێوەچوو.
بەپێی ڕاپۆرتی زایەڵە، لە کۆبونەوەکەدا، لیژنەکەی ئەنجومەنی پارێزگای سلێمانی ئەوەی خستەڕوو، ئامادەکاریەکانیان دەستپێکردووە بۆ تەرخانکردنی بەشە بودجەی سنوری پاریزگای سلێمانی و ئیدارەی گەرمیان بە مەبەستی جێبەجێکردنی پرۆژەی خزمەتگوزاریەکان، ئەمڕۆش سەردانی ئیدارەی گەرمیانیان کردوە بۆ ھەماھەنگی نێوان ھەردولا بۆ ئەو مەبەستە.
لای خۆیەوە جەلال سەرپەرشتیاری ئیدارەی گەرمیان پێداوستی و پرۆژە خزمەتگوزاریەکانی گەرمیانی خستەڕوو، ئامادەیی ئیدارەی گەرمیان و فەرمانگەکانی سنورەکەی خستەڕوو بۆ ھەماھەنگی لەگەڵ ئەنجومەنی پارێزگا.
ھەر لە کۆبونەوەکەدا، بەرپرسانی یەکەی ئیداری و بەڕێوەبەری فەرمانگە پەیوەندیدارەکان باسیان لە پرۆژەکان کرد و ئەوەیان خستەڕوو، لەم کاتەدا کە بەھۆی قەیرانی داراییەوە پرۆژەکان راوەستاون دابینکردنی بودجەی پەرەپیدان خزمەتی باش بە سنورەکە دەکات.
کامەران کەریم

یەکەم کەس بە بۆ ناردنی تێبینی.

بۆ گفتوگۆکردن لەسەر بودجەی پەرەپێدان، ئیدارەی گەرمیان و ئەنجومەنی پارێزگای سلێمانی کۆبونەوە