1 / 8

2 / 8

3 / 8

4 / 8

5 / 8

6 / 8

7 / 8

8 / 8

Jun 12, 2021

قەبارەی فۆنت:

قایمقامیەتی سلێمانی ڕایگەیاند، لە درێژەی هەڵمەتە بەردەوامەکانی، لیژنە هاوبەشەکان دەستیان بەسەر ژمارەیەک باڵندە و ئاژەڵی کێویدا گرتوە و بەئامادەبونی قائیمقامی سلێمانی گەڕێندرانەوە بۆ ناو سروشت.
بەپێی ڕاپۆرتی زایەڵە، هەینی(2021.6.11) لە هەڵەتێکدا بە هاوکاری بەڕێوەبەرایەتییەکانی ئاسایش و لیوای یەکی پاراستنی سلێمانی، لیژنە هاوبەشەکانی قائیمقامیەت دەستیان بەسەر ژمارەیەک باڵندە و ئاژەڵی کێویدا گرتوە کەلەلایەن راوچی و کاسبکارانەوە لە ژێرپردەکەی ناوبازاڕی سلێمانی بەهاوڵاتیان دەفرۆشرێت.
دواتر بە ئامادەبونی ئاوات محەمەد، قائیمقامی سلێمانی ئاژەڵ و باڵندە و کێوییەکان گەڕێندرانەوە بۆ ناوسروشت، هەڵمەتەکە بۆ پارێزگاری کردنە لەسروشت و پاراستنی ئەو باڵندە و ئاژەڵانە و بەردەوامیش دەبێت تا دیاردەکە بنەبڕدەکرێت.
لەکاتی هەبونی گومان یان بۆ گەیاندنی سکاڵا و زانیاری بەقائیمقامیەتی سلێمانی و لیژنە هاوبەشەکان، پەیوەندی بە ژمارە مۆبایلی (07708677777)ـەوە بکەن.
کامەران کەریم

یەکەم کەس بە بۆ ناردنی تێبینی.

بەوێنە؛ قائیمقامیەتی سلێمانی رێگری لە کڕین و فرۆشتن بە باڵندە و ئاژەڵی کێوییەوە دەکات