لە ئۆپراسیۆنیێكی هاوبەشدا بكوژی هاووڵاتییەكەی گەڕەكی رزگاری شاری سلێمانی دەستگیركرا

(0) / / اجتماعی / زایەڵە سلێمانی پۆلیس بكوژ رزگاری سەلاحەدین

Jun 12, 2021

قەبارەی فۆنت:

بكوژی هاووڵاتییەكەی گەڕەكی رزگاری شاری سلێمانی لە ئۆپراسیۆنیێكی هاوبەشدا دەستگیركرا.

بەپێی ڕاپۆرتی زایەڵە، پۆلیسی سلێمانی ڕایگەیاند،  دوای ئەوەی هاووڵاتییەك بەناوی عوسمان حەمەسەعید  لەگەڕەكی رزگاری شاری سلێمانی كوژرا و ئۆتۆمبیلەكەی كە لە جۆری  تۆیۆتۆ لاندكرۆزەر ستێشن بوو دزرا ، دەستبەجێ‌ هێزەكانی پۆلیس و تیمەكانی بەشی پۆلیسی بەڵگەی تاوان گەیشتنە شوێنی ڕوداوەكەو كەشف و هێڵكاری شوێنی ڕوداوەكەكرا و زانیاری لە سە رتۆمەتبار كۆكرایەوە.

هێزەكانی بەڕێوەبەرایەتی پۆلیسی سلێمانی بەهاوكاری برایانمان لە ئاسایشی سلێمانی و بە هەماهەنگی لەگەڵ بەڕێز لیوا كاكە ڕەش ڕێكخەری پەیوەندییەكانی حكومەتی هەرێم لە بەغدا و هێزەكانی بەڕێوەبەرایەتی ئاسایشی پارێزگای كەركوك و قیادەی پۆلیسی پارێزگای سەلاحەدین و دەزگای ئاسایشی نیشتمانی عیراق و  ژووری ئۆپراسیۆنە هاوبەشەكانی بەغدا) تونرا تۆمەتبار بەناوی (س ، ح ، ح ، ت ) دەستگیر بكرێت، هەروەها دەستیش بەسەر ئۆتۆمبیلە دزراوەكەدا بگیرێت .

جێی ئاماژەیە تۆمەتبار دوای ئەنجامدانی تاوانەكەی بە ئۆتۆمبێلی كوژراوەكە هەڵاتووە بۆ شاری تكریت و لە ئۆپراسیۆنێكی هاوبەشدا لە سەر زانیاریەكانی پۆلیسی پارێزگای سلێمانی و برایانی ئاسایشی سلێمانی ، لەلایەن تیمیكی هاوبەشەوە كەسی داواكراو لە كەمتر لە 24 سەعاتدا دەستگیر كرا.

لەئێستادا تۆمەتبار بەپێی ماددەی 406 لەیاسای سزادانی عیراقی و بەبڕیاری بەڕێز دادوەر ڕاگیراوەو دوای تەواوكردنی ڕێكارەیاساییەكان ڕەوانەی شاری سلێمانی دەكرێتەوە .

کامەران کەریم

شەیر کردن:

تێبينيێك بنێرە:

تێبينى (0):

یەکەم کەس بە بۆ ناردنی تێبینی.