ئارێز عه‌بدوڵا: په‌كه‌كه‌ ته‌نیا بیانوه‌ بۆ توركیا

ئارێز عه‌بدوڵا ئه‌ندامێكى سه‌ركردایه‌تى یه‌كێتى  جەخت لە سەر ئەوە دەکاتەوە کە توركیا ڕاست ده‌كات با له‌ ده‌شتى نه‌ینه‌وا، سوریا رۆژئاوا ئازربایجان و چه‌ندان شوێنى تر بكشێته‌وه‌ خۆ په‌كه‌كه‌ى لێ نیه‌"
بەپێی ڕاپۆرتی زایەڵە، ئارێز عه‌بدوڵا ئه‌ندامى سه‌ركردایه‌تى یه‌كێتى  لە نووسینێکدا ڕایگه‌یاند، پاساوی هێڕش و داگیرکردنی هەرێمی کوردستان لە لایەن تورکیاوە هەبوونی پەکەکەیە، راستە پەکەکە هەروەکو چۆن لە بۆتان، هەکاری و دیاربەکر ھەیە. بێ مۆڵەتی حکومەتی هەرێم لە بادینان و قەندیلش هەیە، بەڵام ئیمە دەزانین پەکەکە تەنیا بیانووە دەنا تورکیا ئەو کارەی هەر دەکرد.
ئارێز عه‌بدولا ئه‌وه‌شى خسته‌ڕوو، ئەگەر تورکیا دەیەوێ بڕوا بە گەلی کوردستان و عێڕاقیش بێنێ کە هێڕش و داگیرکاریەکانی تەنیا دژی پەکەکەن، پێویستە بەزووترین کات لە دەشتی نەینەوا، سوریا، رۆژئاوا، ئازربایجان، قوبرس، لیبیا و سۆمال وبکشێتەوە و لە جیاتی هەڵوەشاندنەوەی رێککەوتنی لۆزان هەوڵی بوژانەوە و جێبەجێکردنی ڕێککەوتنی سێڤەر بدات، دەنا پڕووپاگەندەکانی مایە پووچ و باوەڕنەکردەن.
له‌ئێستادا توركیا له‌هه‌وڵى فراوانكردنى بنكه‌ سه‌ربازیه‌كانى و داگیركارى به‌رفراواندایه‌ له‌ هەرێمی كوردستان و حكومه‌ته‌كانى هه‌رێم و عێراق له‌و ڕوه‌وه‌ بێده‌نگى هه‌ڵبژاردوه‌.