ئاسایشی گەرمیان ڕایگەیاند پارە دزراوەکەی یەکەی نیشتەجێ بوونی نۆژین ستی دۆزرایەوە.
بەپێی ڕاپۆرتی زایەڵە، هێزەکانی ئاسایشی گەرمیان و یاریدەدەری ئاسایشی کەلار و بنکەی ئاسایشی رزگاری دۆزینەوەی بڕی ١٥ دەفتەر و ٨٠ وەرەقە و١،٥٩١،٠٠٠ یەک ملیۆن و پێنج سەد و نەوەد و یەک هەزار دینار و دەستگیر کردنی تاوانباری دزیکردنەکەی ڕاگەیاند.
بەپێ ی زانیارییەکانی ئاسایش، دزەکان کارمەندبوون لەپرۆژەکە و یەکێکیان دانیشتووی قەزای کەلارە و ئەویتریان بەڕەگەز ئێرانیە.
چەند ڕۆژێک بەر لە ئیستا دیارنەمانی پارە و دزیکردن لە پرۆژەی نۆژین ستی لەقەزای کەلار کە پرۆژەیەکی درووستکردنی یەکەی نیشتەجێبوونە ڕاگەیەندرا.
دوای بەدواداچونی هێزەکانی ئاسایش لەگەرمیان توانیان لەماوەیەکی کورتدا دزەکان دەستگیربکەن و بڕی پارەدزراوەکەش وەربگرنەوە.
کامەران کەریم

یەکەم کەس بە بۆ ناردنی تێبینی.

ئاسایشی گەرمیان: پارە دزراوەکەی یەکەی نیشتەجێ بوونی نۆژین ستی دۆزرایەوە