نێچيرڤان بارزانى، سەرۆکی هەرێمی کوردستان بەیانیی ئەمڕۆ یەکشەممە، گەیشتە کۆشکی سەرۆکایەتیی ئەنجوومەنی وەزیرانی قەتەر و لەگەڵ شێخ خالید بن خەلیفە، سەرۆکوەزیرانی وڵاتەکە کۆبوونەوە.
بەپێی ڕاپۆرتی زایەڵە، کەناڵی ڕووداو لەبارەی کۆبوونەوەی سەرۆکی هەرێمی کوردستان و وەزیری دەرەوەی قەتەر کە هاوکات جێگری سەرۆکوەزیرانە ڕایگەیاند دوولایەن باسیان لە هەڵبژاردنەکانی عێراق و پێکهێنانی حکومەتی نوێ، پەیوەندییەکانی هەولێر و بەغدا لەگەڵ قەتەر و بابەتی ئابووری و سیاسی، کردووە.
لە درێژەدا هاتووە؛ قەتەر خوازیاری پەیوەندییەکی باشە لەگەڵ هەرێمی کوردستان و لەم پێناوەشدا ئەو وڵاتە دەیەوێت لە نزیکترین دەرفەتتدا کۆنسوڵخانەی خۆی لە هەولێر بکاتەوە.
سەرۆکایەتیی هەرێمی کوردستان رۆژی شەممە ئاماژەی بەوە کرد، نێچیرڤان بارزانی له‌ كۆبوونه‌وه‌كاندا "بره‌ودان به‌ په‌يوه‌ندييه‌كانى هه‌رێمى كوردستان و عێراق له‌گه‌ڵ قه‌ته‌ر، دۆخى عێراق و ناوچه‌كه‌ به‌گشتى و چه‌ند پرسێكى جێى بايه‌خى هاوبه‌ش" لەگەڵ بەرپرسانی قەتەر تاوتوێ ده‌كات.

یەکەم کەس بە بۆ ناردنی تێبینی.

نێچيرڤان بارزانى و سەرۆک وەزیرانی قەتەر کۆبوونەوە