Oct 27, 2021

قەبارەی فۆنت:

نێچیرڤان بارزانی، سەرۆکی هەرێمی کوردستان سەرکۆنەی هێرشەکەی شەوی رابردووی چەکدارانی داعشی بۆ سەر گوندێکی قەزای شارەبان کرد، کە لە ئەنجامیدا 11 کەس کوژران.
بەپێی ڕاپۆرتی زایەڵە، سەرۆکی هەرێمی کوردستان، لە تویتێکدا بە زمانی عەرەبی، بەیانی ئەمڕۆ چوارشەممە 27-10-2021، رایگەیاند "بە تووندترین دەستەواژەکان سەرکۆنەی هێرشە خوێناوییە تاوانکارەکەی داعش دەکەین بۆسەر کەسوکارمان لە دیالە".
نێچیرڤان بارزانی ئاماژە بەوە دەکات کە ئەو هێرشە جارێکی دیکە "جەختدەکاتەوە لەسەر پێویستی پێکەوە وەستانمان بە بەهێزی بۆ پاڵپشتیکردنی هێزە ئەمنییەکانمان لەدژی ئەم هەڕەشەیە کە هێشتا دەمانکاتە ئامانج".
سەرۆکی هەرێمی کوردستان دەشڵێت: "رەحمەت بۆ شەهیدەکان و چاکبوونەوە بۆ بریندارەکانمان. دڵمان لەگەڵ کەسوکارمانە لە شارەبان، هاوبەشی کۆستە بەئازارەکەیانین".

یەکەم کەس بە بۆ ناردنی تێبینی.

نێچیرڤان بارزانی: سەرکۆنەی هێرشەکەی داعش بۆسەر کەسوکارمان لە دیالە دەکەین