Jan 11, 2022

قەبارەی فۆنت:

مەسعود بارزانی پەیامێکی بڵاوکردەوە و رایدەگەیێنێت، هەر جۆرە "لێدوان و بۆچوونێكی لابەلا و لەژێر هەر ناو و نیشانێك بێت، پەیوەندی بە سیاسەتی پارتییەوە نییە" دەشڵێت، تەنیا، لێدوانی گوتەبێژی فەرمیی پارتی دیموكراتی كوردستان گوزارشت لە سیاسەت و هەڵوێستی فەرمیی پارتی دیموكراتی كوردستان دەكات.
بەپێی ڕاپۆرتی زایەڵە دەقی پەیامەکەی بارزانی بە شێوەی خوارەوەیە؛
بەناوی خودای بەخشندە و میهرەبان
لە ماوەی ڕابردوودا لە ڕاگەیاندن و تۆڕە كۆمەڵایەتییەكان هەندێ لێدوان و بۆچوون بڵاو كراونەتەوە كە زۆرجار وەك هەڵوێست و ڕای پارتی دیموكراتی كوردستان لێكدانەوەی بۆ كراوە.
لێرەدا بە گشت لایەك ڕادەگەیێنین كە هەر جۆرە لێدوان و بۆچوونێكی لابەلا و لەژێر هەر ناو و نیشانێك بێت، پەیوەندی بە سیاسەتی پارتییەوە نییە و، با وەك ڕای فەرمیی پارتی دیموكراتی كوردستان هەژمار نەكرێت.
تەنیا، لێدوانی گوتەبێژی فەرمیی پارتی دیموكراتی كوردستان تەعبیر لە سیاسەت و هەڵوێستی فەرمیی پارتی دیموكراتی كوردستان دەكات.
مسعود بارزانی
١١ـی كانوونی دووەمی ٢٠٢٢

یەکەم کەس بە بۆ ناردنی تێبینی.

لێدوانێکی مەسعود بارزانی سەبارەت بە هەڵوێستی فەرمیی پارتی