نامەی جۆ بایدن بۆ نێچیرڤان بارزانی

(0) / / کردستان / زایەڵە نێچیرڤان بارزانی هەرێم جۆ بایدن

Mar 30, 2022

قەبارەی فۆنت:

سەرۆکی ئەمریکا نامەیەک بۆ سەرۆکی هەرێمی کوردستان دەنێرێت.

بەپێی ڕاپۆرتی زایەڵە، بە گێڕانەوە لە کەناڵی ڕووداو، ئه‌مڕۆ چوارشه‌ممه‌، 30ـی ئاداری 2022، نێچيرڤان بارزانى، سه‌رۆكى هه‌رێمى ‏كوردستان لەگەڵ ماتیو تولەر، باڵیۆزی ئەمریکا لە عێراق کۆبووەوە و نامه‌يه‌كى جۆ بايدن، سه‌رۆكى ئه‌مريكای دایە سەرۆکی هەرێمی کوردستان.

بەگوێرەی سەرۆکایەتیی هەرێمی کوردستان، "له‌ نامه‌كه‌يدا جۆ بايدن جه‌ختى كردووەته‌وه‌ کە هه‌رێمى كوردستان هاوبه‌شێكى ‏گرنگى ئه‌مريكايه‌ و پابه‌نديى به‌رده‌وام و دوورمه‌وداى وڵاته‌كه‌ى به‌ ئارامى و ‏سه‌قامگيريى عێراق و هه‌رێمى كوردستان ده‌ربڕيوه‌."

هەر بەپێی راگەیێندراوەکە، جۆ بایدن پابه‌نديى ئه‌مريكاى به‌ به‌رده‌واميى پشتگيريى هێزه‌ ‏ئه‌منييه‌كانى عێراق و پێشمه‌رگه‌ دووپاتكردووه‌ته‌وه‌.

له‌ به‌شێكى ديكه‌ى نامه‌كه‌يدا، "جۆ بايدن جەختی کردووەتەوە ئه‌مريكا ‏هەرێمی کوردستانێکی ‏ئارام، سەقامگیر و گەشاوە وەک بەشێکی سەرەکی بۆ ‏عێراقێکی سەقامگیر ‏و گەشاوە ده‌بينێت."

سەرۆکایەتیی هەرێمی کوردستان ئاماژە بەوەش دەکات، "سەرۆکی ئەمریکا جه‌ژنى نه‌ورۆزى له‌ نێچيرڤان بارزانى و گه‌لى ‏كوردستان پيرۆز كردووه‌."

لە کۆبوونەوەی سەرۆکی هەرێمی کوردستان و باڵیۆزی ئەمریکا هه‌ردوولا دۆخى سياسيى عێراق، هه‌نگاوه‌كانى پڕۆسه‌ى سياسى و كۆبوونه‌وه‌كانى ‏ئه‌نجوومه‌نى نوێنه‌رانى عێراق، دۆخى هه‌رێمى كوردستان و پڕۆسه‌ى هه‌ڵبژاردنه‌كانى ‏داهاتووى هه‌رێمى كوردستان، په‌يوه‌ندييه‌كانى هه‌ولێر ـ به‌غدا و پێشبينييه‌كانيان بۆ ‏داهاتووى پڕۆسه‌ى سياسی له‌ وڵات تاوتوێ كرد.‏

هەروەها له‌ كۆبوونه‌وه‌كه‌دا هه‌ردوولا هاوڕا بوون له‌سه‌ر پێويستيى هه‌بوونى سيستەمێكى حوكمڕانيى ته‌ندروست له‌ عێراق له‌سه‌ر بنه‌ماى متمانه‌ و هاوبه‌شيى راسته‌قينه‌ و پابه‌نديى به‌ ده‌ستوور و بنه‌ماكانيه‌وه‌ كه‌ ته‌نيا رێگه‌يه‌ بۆ ئارامى و سه‌قامگيرى و ‏جه‌ختيان له‌ گرنگيى بنياتنانى متمانه‌ و لێكگه‌يشتنى هاوبه‌شیى نێوان لايه‌نه‌ ‏عێراقييه‌كان بۆ تێپه‌ڕاندنى دۆخه‌كه‌ و چاره‌سه‌ركردنى كێشه‌كان كرده‌وه‌.‏

شەیر کردن:

تێبينيێك بنێرە:

تێبينى (0):

یەکەم کەس بە بۆ ناردنی تێبینی.