ڕۆشنبیرێک بۆ زایەڵە: گرێبەستی پەنجاساڵەی نەوت هۆکاری بێدەنگی لایەنی سەرەکی حکومەتی هەرێمە لەئاست دەستدریژییەکانی تورکیا
(0) /
ئیسماعیل حەمەڕەحیم جەخت لەسەر ئەوە دەکاتەوە " گرێبەستی پەنجاساڵەی نەوت هۆکاری بێدەنگی لایەنی سەرەکی حکومەتی هەرێمە لەئاست دەستدریژییەکانی تورکیا."
ئیسماعیل حەمەڕەحیم ڕۆشنبیر لەهەرێمی کوردستان لە وتووێژی لەگەڵ پەیامنێری زایەڵە ڕایگەیاند، عیراق بەگشتی و هەرێمی کوردستان بەتایبەتی، وەک ماڵی کەسێکی بێ حەوشە و دەرگاوایە، هەرکەس و لە هەرکاتێکدا ویستی خۆی دەکات بەم ماڵە بێ حەوشەو دەرگایەدا.
ڕاشیگەیاند: ڕوونتر بڵێین لەپاش هاتنی سووپای ئەمریکا بۆ عیراق، ئەم وڵاتە سیادەی خۆی لەدەستداوە، تورکیاش بەبیانوی گەریلاکانی پەکەکە سنورەکانی هەرێم و عیراق دەبەزێنێت، جارجارەش ئۆپراسیۆنی سەربازی ئەنجام دەدات، تەنانەت لەڕێگەی فڕۆکەی بێفڕۆکەوانەوە، هاوڵاتیانی مەدەنی دەکاتە ئامانج لەهەرێمی کوردستان.
وتیشی، بێدەنگ بونی حکومەتی هەرێم و بەغداد بۆئەوە دەگەڕێتەوە، کە تورکیا چەندجارێک وتویەتی هێرش و ئۆپراسیۆنەکان بەهەماهەنگی حکومەتی هەرێم و بەغداد ئەنجام دەدات، جگە لەوەش تورکیا گرێبەستی پەنجاساڵی لەگەڵ لایەنی سەرەکی حکومەتی هەرێم کردووە بۆ وەبەرهێنانی نەوت، ئەمەش وایکردوە کە لایەنی فرۆشیار لەبەر خاتری فرۆشی نەوتەکەی بێدەنگ و کەمتەرخەم بێت، لەئاست دەستدریژییەکانی تورکیا .
کامەران کەریم
تێبينيێك بنێرە: