فڕۆکەی جەنگی بۆردوومانی سنووری قەزای ماوەت دەکات

(0) / / کردستان / ماوت کوردستان زایەڵە پەکەکە بۆردومان

Apr 22, 2022

قەبارەی فۆنت:

قایمقامى قەزاى ماوەت لە پارێزگاى سلێمانى رایگەیاند،  سەرلەبەیانی ئەمڕۆ لە لایەن فڕۆکەی جەنگیەوە ناوچەی (دۆڵی دوکانیان) کە بەشێکە لە شاخی گەورەی ئاسۆس و دورترین خاڵی سنوری گوندی گەڵاڵەیەو نزیکەی ( ٥ کلم) لە گوندەکەوە دوورە، بۆردومان کرا. 

بەپێی ڕاپۆرتی زایەڵە، کامەران حەسەن لە راگەیەنراوێکدا ئاماژەى بەوەکردووە،  دانیشتوانی گوندی گەڵاڵەو ئەو ھاووڵاتیانەی لەو شوێنەوە نزیکبوون بێ زیانن. 

ئاماژەى بەوەشکردووە، پێش ٢٠ ڕۆژ و لە ٢-٤-٢٠٢٢ بە ھەمان شێوە (دەشتی خەزێنە) کە تەنھا ( ٢ کلم) لە گەڵاڵەوە دورە لە لایەن فڕۆکەی جەنگیەوە بۆردمان کرا. 

کامەران حەسەن دەڵێت، ئەوان نیگەرانی ئەو بۆردمانە بەردەوامانەی سنورەکەن، "خەڵکی ئێمە زەمەنێکی زۆر لە نێو جەنگ و لە سایەی بۆردمان و کاولکاریدا ژیاون و قوربانی زۆریان داوە و نایانەوێت چیتر بە نائارامی لە سایەی جەنگ و بۆردومانەکاندا بژین". 

شیاوی باسە میدیاکانی سەر بە پارتی کرێکارانی کوردستان - پەکەکە دەڵێن، ناوچەکە لە رێگەی فڕۆکەی بێفڕۆکەوانی تورکیا بۆردوومانکراوە.

شەیر کردن:

تێبينيێك بنێرە:

تێبينى (0):

یەکەم کەس بە بۆ ناردنی تێبینی.