ڕەوتی سەدر و هاوپەیمانەكانی پڕۆژە یاسایەك بۆ بە تاواننساندنی ئاساییكردنەوەی پەیوەندی لەگەڵ ئیسرائیل دەخەنەڕوو

(0) / / عراق / موقتەدا سەدر زایەڵە زایۆنی ئیسرائیل

Apr 23, 2022

قەبارەی فۆنت:

موقتەدا سەدر ئاشكرایكرد كە بەمنزیكانە پڕۆژە یاسایەك ئامادە دەكەن بۆ بە تاوانناساندنی ئاساییكردنەوەی پەیوەندی لەگەڵ ئیسرائیلدا.

بەپێی ڕاپۆرتی زایەڵە، موقتەدا سەدر ڕێبەری ڕەوتی سەدر لە توێتێكدا كە كەمێك لەمەوبەر بڵاویكردەوە دەڵێت، “یەكێك لە گرنگترین ئەو هۆكارانەی وایانكرد جارێكی تر ڕەوتی سەدر بخزێنمە پرۆسەی هەڵبژاردنەوە، پرسی ئاساییكردنەوەی پەیوەندی لەگەڵ ئیسرائیل و چاوتێبڕینی ئیسرائیل بۆ دەستبەسەرداگرتنی عێراقی خۆشەویستمان بوو”.

سەدر ئاشكرایكردووە، بەمنزیكانە ڕەوتی سەدر و هاوپەیمانەكانی پێشنیازی پڕۆژە یاسایەك دەخەنەڕوو بۆ بە تاواننساندنی ڕەهای ئاساییكردنەوەی پەیوەندی لەگەڵ ئیسرائیل و مامەڵەكردن لەگەڵ قەوارەی زایۆنیدا و نووسیویەتی، “دواتریش پڕۆژەكە دەبەینە پەرلەمان بۆ دەنگدان لەسەری”.

 

شەیر کردن:

تێبينيێك بنێرە:

تێبينى (0):

یەکەم کەس بە بۆ ناردنی تێبینی.