پەیامی ئەمیرعەبدوڵڵاهیان بۆ حەلبوسی لەمەڕ هێزەکانی دژەشۆڕش و جودایی خوازی ئێرانی لە خاکی عێراق
(0) /
وەزیری دەرەوەی کۆماری ئیسلامی ئێران لە دیدار لەگەڵ سەۆکی پەرلەمانی عێراق، جەختی لەسەر ئەوە کردەوە کە نابێت دژەشۆڕش و جودایی خوازەکان پێگەیێکی ئەمن و پارێزراویان لە عێراق، دژی ئێران هەبێت.
بەپێی ڕاپۆرتی زایەڵە، حسێن ئەمیر عەبدوڵڵاهیان وەزیری دەرەوەی کۆماری ئیسلامی ئێران لە دیدار لەگەڵ محەمەد حەلبوسی سەرۆکی ئەنجومونی نوێنەرای عێراق، لەمەڕ هەبوون و چالاکی دژەشۆڕش و جودایی خوازەکان لە خاکی عێراق و هەڕەشەیان لەسەر ئێران هۆشداریی دا.
ناوبراو جەختی لەسەر ئەوەش کردەوە کە ئێران ئاسایشی عێراق بە هی خۆی دەزانێت و بەپێچەوانەشەوە.
ڕاشیگەیاند؛ تاران پشتگیریی پڕۆسەی سیاسی لە عێراق دەکات و بوونی عێراقێکی بەهێز بە دەستەبەریی ئاسایش و سەقامگیریی ناوچە دەزانێت.
وەزیری دەرەوەی ئێران ڕاشیگەیاند: دژەشۆڕش و جودایی خوازەکانی ئێرانی نابێت پێگەیێکی ئەمن و پارێزراویان لە خاکی عێراقدا دژی ئێران ببێت.
تێبينيێك بنێرە: