ژووری عەمەلیات تایبەت بە نەخۆشی تای خوێن بەربوون لە هەڵەبجە پێکهێنرا
/
کردستان
/
خوێن بەربوون
هەڵەبجە
زایەڵە
زایەڵە - ژووری عەمەلیاتی تایبەت بە ڕووبەرووبوونەوەی تای خوێن بەربوون بە ئامادەبوونی پارێزگاری هەڵەبجە و بەڕێوبەری گشتی تەندروستی هەلەبجە و بە ڕێوبەرایەتی ڤێتنەری هەڵەبجە و بەڕێوبەرایەتی خۆپاراستن لەگەڵ سەرجەم گۆشتفرۆشەکان و کرێکارەکانی کوشتارگەکان لە هەڵەبجە کۆبوونەوە و پێداویستی خۆپارێزی و ڕێنمایی تایبەت بە ڤایرۆسەکەیان پێدان بە مەبەستی جێبەجێکردن .
دواتر لە کۆنگرەیەکی ڕۆژنامەوانیدا د ئازاد مستەفا قادر بەڕێوبەری گشتی تەندروستی هەڵەبجە ڕایگەیاند ، لە چوار چێوەی کارەکانی ژووری عەمەلیاتی هەڵەبجە سەرجەم گۆشت فرۆش و کرێکارانی کوشتارگەکانمان کۆکردەوە و ڕێنمایی پێویستمان پێدان لەسەر نەخۆشیەکە و بەسەر پەرشتی پارێزگاری هەڵەبجە هەموو هەنگاوەکانمان بە ئاراستەی پاراستنی هاوولاتیانە .
ووتیشی، تا ئێستا خۆشبەختانە هیچ حاڵەتێکی گومانلیکراو لە هەلەبجە تۆمار نەکراوە بەلام تای خوێن بەربوون هەیە لەعێراق وهەرێمیش هەر فرۆشیار و کریکارێک پابەند نەبێت بە پۆشینی جل و بەرگەکان کە بەڕێوەبەرایەتی گشتی تەندروستی ھەڵەبجە بۆی دابین کردون ئەوا سزای مادی لەلایەن لیژنەکانەوە دەدرێت .
دواتر ئازاد تۆفیق پارێزگاری هەڵەبجە ڕایگەیاند، ئەمرۆ نەخۆشیەکە ڕوونکراوەتەوە و ڕێنمایی پێویست دراوە بە گۆشت فرۆش و کریکارەکانی کوشتارگەکان، توانیوومانە هەموو دامەزراوەکان ئاگادرا بکەین، کە هوشیاری زیاتر بلاو بکەنەوە و لە خوای گەورە داواکارین ئەم پەتایە دووربیت لە ناوچەکەمان .
کامەران کەریم
تێبينيێك بنێرە: