وەزارەتی تەندروستی: بودجەیەک بۆ پەتای سکچون بۆپارێزگای سلێمانی تەرخان کرا
(0) /
زایەڵە - سەرۆکی حکومەتی هەرێمی کوردستان ڕەزامەندی دا بە خەرجکردنی بڕی ٨٠٠ ملیۆن دینار وەکو بودجەی فریاگوزاری خێرا بۆ کۆنتڕۆڵکردنی نەخۆشیەکانی سکچوون و کۆلێرا لە پارێزگای سلێمانی.
وەزارەتی تەندروستی ڕایگەیاند، دوابەدووای پرسینەوەی ڕەوشی نەخۆشیەکانی سکچوون و کۆلێرا، بەرێز مەسرور بارزانی سەرۆکی حکومەتی هەرێمی کوردستان ڕەزامەندی دا بە خەرجکردنی بڕی ٨٠٠ ملیۆن دینار وەکو بودجەی فریاگوزاری خێرا بۆ کۆنتڕۆڵکردنی نەخۆشیەکانی سکچوون و کۆلێرا لە پارێزگای سلێمانی و ڕاسپاردنی وەزیری تەندروستی بۆبەدواداچوونی ڕەوشی تەندروستی و ئامادەیی و پالپشتیکردنی هەر پێوستیەک بۆ ڕێگریگرتن لە بڵاوبوونەوەی نەخۆشی کۆلێرا.
ئامادەکردنی-کامەران کەریم
تێبينيێك بنێرە: