ئاگادارییەک بۆ سەرجەم دەرچووانی بەشەکانی کشتوکاڵی و فێتێرنەری
(0) /
زایەڵە - وەزارەتی کشتوکاڵی حکومەتی هەرێمی کوردستان ئاگادارییەکی بۆ سەرجەم دەرچووانی بەشەکانی کشتوکاڵی و فێتێرنەری دەرکرد.
وەزارەتی کشتوکاڵ و سەرچاوەکانی ئاوی حکومەتی هەرێم ڕایگەیاند، لەچوارچێوەی پلانی لێژنەی بالای دامەزراندنی دەرچووانی بەشەکانی کشتوکاڵی و فێتێرنەری ، وە لە ژێر ڕۆشنای یاسایی ژمارە (20 ) و رێنمایی ژمارە (4) تایبەت بە سەرپەرشتیارانی پڕۆژە کشتوکاڵیەکان لە کەرتی تایبەت،بۆ لەمەودوا لەسەرئاستی بەرێوەبەرایەتی گشتی کشتوکاڵی پارێزگاکانی (سلێمانی ، هەولێر ،دهۆک ، هەلەبجە)و ئیدارە سەربەخۆکانی (سۆران ، زاخۆ ، ڕاپەرین ، گەرمیان ) لەلایەن لێژنەی زانستی و تەکنیکی خولەکانی ڕاهێنان و شیاندنی تایبەتە بەو دەرچوانەی کە فۆرمی دامەزراندنیان لەماوەی رابردوو پرکردۆتەوە دەستپێدەکات ، بەپێی خشتە و تایبەتمەندی گروپی پسپۆریەکان .
بۆ ئەم مەبەسته هەموو لایەک ئاگادار دەکەینەوە کە لە رێگەی راگەیاندنی وەزارەتمان و لینکەکانی راگەیاندنی کشتوکاڵی پارێزگاکان و ئیدارە سەربەخۆکان ئاگادارییەکان و زانیاری دەربارەی خولەکان و ناوی بەشداربووانی خول بلاو دەکرێنەوە.
وە سەرجەم دەرچووانی بەڕێز دڵینا دەکەینەوە کە دەرفەتی بەشداری کردن لە خولەکان بۆ هەمووان ڕەخسێنراوە، بە پێی پلان و خشتەی دیاریکراوی وەزارەت و هەماهەنگی نێوان لێژنەی بالاو لێژنەی لاوەکی لە فەرمانگەکانی وەزارەت بەچەند قۆناغێکی لە دوای یەکتری .
ئامادەکردنی- کامەران کەریم
تێبينيێك بنێرە: