پاپ لە هەولێر + وێنە
(0)
پاپا فرانسیس، پاپای ڤاتیکان لە چوارچێوەی سەفەرەکەی بۆ عێراق بە سەردانێک گەیشتە هەولێر پایتەختی هەرێمی کوردستان و لەگەڵ بەرپرسانی کورد دیدار و گفتوگۆی کرد.
بەپێی ڕپۆرتی زایەڵە، پێش نیوەڕۆی ئەمڕۆ یەکشەممە، پاپا فرانسیس، پاپای ڤاتیکان لە فڕۆکەخانەی هەولێر لەلایەن نێچیرڤان بارزانی سەرۆکی هەرێمی کوردستان بە یاوەری مەسرور بارزانی سەرۆک وەزیران و قوباد تاڵەبانی جێگری سەرۆک وەزیرانی هەرێمی کوردستان و شاندێکی باڵا، پێشوازیی لێیکرا.
پاپا پاشان لەگەڵ مەسعود بارزانی سەرۆکی پارتی دیداری کرد و سوپاسی هەرێمی کوردستانی کرد لە پشتیوانی و داڵدەدانی ئاوارەکان و لە نێویاندا مەسیحییەکان لە هێرش و پەلاماری داعش.
پاپای ڤاتیکان پاشان سەردانی موسڵی کرد و هەروەها چووە قەرەقووشی کرد و بڕیارە دوانیوەڕۆ لە یاریگای فرانسوا حەریری بە بەشداریی جەماوەر ئامادەدەبێت.
تێبينيێك بنێرە: