چەندین وەرزشوانی خەڵکی ڕووسیا پاش بایکۆتەکان ئێقامەی خۆیان گۆڕیوە

زایەڵە ـــ کۆئەژماری وەرزشوانە ڕووسەکان کە بە هۆی بایکۆتکردنی جیهانییەوە ئێقامەی خۆیان گوڕیوە ڕاگەیندرا.

وەزارەتی وەرزشی ڕووسیا ئاشکرا دەکات کە چەندین وەرزشوانی نیشتمانی باش بایکۆتبوون لە لایەن ئەنجومەنی نێودەوڵەتی ئۆڵۆمپیک(IOC) و بە هۆی باررودۆخی ئوکراین، ئەوا ئێقامەی وەرزشی خویان گۆڕیوە.
بە پێی ئەو زانییاریانەی کە لەبەر دەستدایە لە ساڵەکانی 2022 و 2023 ڕێژەی وەرزشوانانی خەڵکی ڕووسیا کەوا ئێقامەی وەرزشی خۆیان گوڕیوە 67 کەس دەبێ. لەو هەژمارە 47 کەسیان نوێنەری وەرزشی ئۆڵۆمپیکی هاوینی، 8 نوێنەری وەرزشی ئۆڵمپیکی زستانی و 12 وەرزشوانی دیکەی نا ئۆڵۆمپیکین.

لە مانگی فێڤرییەی 2022دا، ICO ڕایگەیاند و لە فیدراسیۆنە جیهانییەکان داخوازی کرد ئیزنی بەشداری پێشبڕکێیەکان نەدن بە وەرزشوانانی خەڵکی ڕووس و بێلاڕووس و زۆربەیانیش قەبووڵی ئەو داخوازییەیان کرد. پاشان لە کۆتاییەکانی مانگی مارسی 2023، ICO بڕیارەکەی خۆی گۆڕی و خوازیاری گەڕانەوەی وەرزشوانە ڕووس و بێلاڕووسەکانی کرد،بەڵام تەنیا ئەو کەسانەی کە بە هیچ شێوازێ بەشداری عەمەلییاتی تایبەتی سەربازی ڕووسیا دژی ئوکراینیان نەکردووە و هیچ جۆرە پەیوەندییەکیان لەگەڵ هێزە چەکدارەکان نەبووە.

ئامادەکردن:کەژاڵ حەمیدی