نوێترین زانیاری له‌باره‌ی واده‌ی گه‌یشتنی ٧٠٠ ملیار دیناره‌كه ڕاگەیەنرا
(0) /
زایەڵە - یاریدەدەری سەرۆک وەزیرانی هەرێمی کوردستان ڕایدەگەیەنێت: لیستی دابەشکردنی مووچەی فەرمانبەران بۆ مانگی هەشت ئامادەیە و بڕیارە لە ناوەڕاستی هەفتەی داهاتووشدا ٧٠٠ ملیار دینارەکە ڕەوانەی هەرێم بکرێت.
رێباز حەملان یاریدەدەری سەرۆک وەزیرانی هەرێمی کوردستان ئەمڕۆ شەممە لە کۆنگرەیەکی ڕۆژنامەوانیدا ڕایگەیاند: وه‌زاره‌تی دارایی عێراق له دوای ٢٠ی مانگه‌وه مووچه‌ی خۆیان دابه‌شده‌كه‌ن، بۆیه له دوای ئه‌وه‌ش به چه‌ند رۆژێك ئه‌و ته‌مویله‌ی هه‌رێم ده‌نێرێت كه به قه‌رزه.
ئاماژەی بەوەشکرد: لە ناوه‌ڕاستی هه‌فته‌ی داهاتوو حکومەتی فیدراڵ (٧٠٠) ملیار دینارەکە ڕەوانەی هەرێم دەکات و وه‌زاره‌تی دارایی لیستی ئاماده‌یه و ده‌ستده‌كات به دابه‌شكردنی مووچه‌ی مانگی هه‌شت.
تائێستا موچەی مانگەكانی (٨ و ٩)ی فەرمانبەران دابەشنەكراوە کە بەهۆیەوە لە پارێزگاكانی سلێمانی و هەڵەبجە و ئیدارەی راپەڕین و چەند ناوچەیەكی دیكە بەشێك لە فەرمانبەران بایكۆتی دەوامیان كردووە.
کامەران کەریم
تێبينيێك بنێرە: