بانكی ناوەندی كەمترین بری دۆلاری كاشی خستە بازار و دۆلاری بەرزكردەوە
(0) /
زایەڵە - بانكی ناوەندی عێراقی برێكی كەمی دۆلاری بەشێوەی كاش خستە بازارەوە ، بەمەش راستەوخۆ نرخی دۆلار بەرزبوویەوە.
پێش نیوەرۆی ئەمرۆ پێنجشەممە 1ـی شوباتی ساڵی (2024) ، بانكی ناوەندی لەرێگای سەكۆی ئەلیكترۆنییەوە بری فرۆشتنی دۆلاری ئەمریكی راگەیاند.
وەك لە راگەیەنراوەكەی بانكی ناوەندی هاتووە ، ئەمرۆ بەشێوەیەكی گشتی بانكی ناوەندی (215,490,165) دۆلاری خستە بازارەوە.
هاتووە ، بری (209,870,165) دۆلار وەك حەواڵە بووە و تەنها (5,620,000) ملیۆن دۆلار وەك كاش بووە ، ئەمەش بەبەراورد لەگەڵ چەند مانگی رابردوو كەمترین برە دۆلاری كاشە كە دەخرێتە بازارەوە.
لەئێستاشدا كاتژمێر (11:45) خولەكی پێش نیوەرۆ ، نرخی (100) دۆلاری ئەمریكی بەرامبەر بە (152.250) دیناری عێراقی مامەڵەی پێوەدەكرێت.
کامەران کەریم
تێبينيێك بنێرە: