باران و تەرزە و بەفر ناوچەکانمان دەگرێتەوە
(0) /
زایەڵە - پشتیوان ئیبراهیم شارەزای کەشناسی بەزایەڵەی ڕاگەیاند: له سبەی ڕۆژی یەک شەممە ٤/٢/٢٠٢٤ تاوەکو ڕۆژی چوار شەممە ٧/٢/٢٠٢٤ شەپۆلێکی باران بارینی لاواز و مامناوەند و هەندێ کات بارانی بەلێزەمە کە سەرچاوەی دەریایی ناوەڕاستە ناوچەكانمان دەگرێتەوە و کەشێکی باراناوی دروست دەکات و خؤى دەبینێتەوە لە بارانى پچرپچر و بارانى به خوور لەگەڵ بارینی تەرزە و خێرایی با و نزم بونەوەی پلەکانی گەرما و بەفر بارین لە ناوچە شاخاوییەکان دەگڕێتەوە و ڕێژەی باران بارینەکە بەپێی ناوچەکان جیاوازە .
وتیشی: ناوبەناو خێرایی با چالاک دەبێت لە 20کلم بۆ 30 کلم لە کاتژمێرێکدا بەپێ کات و شوێن گۆڕانکاری روودەدات و لە ناوچە شاخاوییەکان خێراییەکە زیاترە لەماوەی ئەم شەپۆلەدا پلەکانی گەرما لە 3 پلە بۆ 5 پلە دەست بەنزمبونەوە دەکات بەپێی ناوچەکان .
کامەران کەریم
تێبينيێك بنێرە: