بەردەوامی گەڕان بەدوای خواردنی خراپ و ماوە بەسەرچوو لە سەیدسادق
(0) /
لەلایەن لیژنەکانی قایمقامیەتی قەزای سەیدسادقەوە گەران بەدوای خواردنی خراپ و ماوەبەسەرچوو سزادانی سەرپێچیکاران بەردەوامە .
تەها ئەحمەد ، لێپرسراوی ڕاگەیاندنی قایمقامیەتی قەزای سەیدسادق بە زایەڵەی ڕاگەیاند، لە پێناو پاراستنی تەندروستی هاوڵاتیانی دانیشتووی سنوورەکەمان، لە درێژەی گەڕان و پشکنینەکانی لیژنەی هاوبەشی قائمقامیەت لە (٢٣/٥/٢٠٢١ تا١٨/٦/٢٠٢١) توانرا لەو ماوەیەدا (١٦٧) مارکێت و هەفتەبازاڕ و شوێنی کار بەسەر بکرێتەوە ، بەهۆی پشکنینی ئەو شوێنانەوە توانراوە بڕی زیاتر لە(١٩٠٠)هەزار و نۆسەد پارچە خواردن و کەل و پەل و پێداویستی ڕۆژانەی هاوڵاتیان کەماوەی بەکارهێنانیان بەسەرچوو بوو لە لایەن لیژنەوە لە ناوببرێن .
ناوبراو وتیشی، شایانی سوپاسە بڕێکی بەرچاوی ئەو خواردن و کەل و پەلانە لەلایەن مارکێتەکانەوە پێشتر جیاکراونەتەوە و تەسلیم بەلیزنەکە کراون و لەناوبراون.
کامەران کەریم
تێبينيێك بنێرە: