قایمقامی هەڵەبجە بۆ زایەڵە: فەرەنسا هاوکاری نەخۆشخانەی بەرکەوتوانی چەکی کیمیایی دەکات
(0) /
قایمقامی هەڵەبجە ئاشکرایکرد، وڵاتی فەرەنسا هاوکاری پێشکەش بەنەخۆشخانەی چارەسەرکردنی بەرکەوتوانی چەکی کیمایی کرد .
نوخشە ناسیح قایمقامی هەڵەبجە بە زایەڵەی ڕاگەیاند، ئەمڕۆ دوای چەندین دیدار و گفتوگۆ لەگەڵ بەرێز سەفیر و کۆنسوڵی فەرەنسا لەهەرێمی کوردستان بۆ پەرەپێدانی کەرتی تەندروستی لەشارەکەماندا ئەمڕۆ بڕی ( 618000 ) شەش سەدو هەژدە هەزار یۆرۆیان پێشکەش بە پرۆژە نەخۆشخانەی بەرکەوتوانی چەکی کیمیاوی لە پارێزگای هەڵەبجە کرا .
ناوبراو وتیشی، بەڵێنیاندا بەردەوام بن لەخزمەتکردنی هەرێمی کوردستان و بەتایبەتی پارێزگای هەڵەبجە ، لای خۆمانەوە سوپاس و پێزانین و وەفاداری شاری هەڵەبجەمان پێڕاگەیاندن ، لەبەرامبەر ئەو هەموو خزمەت و بەخشش و کارە شایستانەی پێشکەش بە مرۆڤایەتی و بەخەڵکی کوردستان و ناوچەکەیان کردووە، دووبارە پشتیوانی خۆمان بۆ بەردەوامبوونی ئەو چالاکیی و پرۆژانەی کە لە هەڵەبجەدا دەکرێت دووپاتکردەوە.
کامەران سەیدکەریم
تێبينيێك بنێرە: