پۆلیسی سلێمانی ڕایگەیاند، لە دوو چالاكی جیاداو لە لایەن بەشی پۆلیسی نەهێشتنی تاوانەوە، دوو تۆمەتبار دەستگیركران كە یەكێك لەو تۆمەتبارانە لە كاتی دزیكردندا دەستگیركراوە و بڕێك مادەی هۆشبەری پێبووە، تۆمەتبارەكەی تر دزی لە چەند ماركێتێكی ناوشاری سلێمانی كردووە .
بەپێی ڕاپۆرتی زایەڵە، لە چالاكییەكدا و لە لایەن مەفرەزەكانی نەهێشتنی تاوانەوە تۆمەتبارێك لەكاتی دزیكردندا دەستگیركرا و لەكاتی دەستگیركردنەكەشیدا بڕێك ماددەی هۆشبەری پێبووە ، لەئێستادا تۆمەتبار ( ك ، أ ، أ ) بەبڕیاری بەڕێز دادوەر ڕاگیراوەو لێكۆڵینەوە لەگەڵیدا بەردەوامە .
پۆلیسی سلێمانی ڕونیشیکردۆتەوە، لەچالاكییەكی ترى نەهێشتنی تاوان تۆمەتبارێك دەستگیركراوە كە دزی لە چەند ماركێتێك كردبوو و پێشتریش لەسەر تاوانی دزیكردن دەستگیركراوە .
تۆمەتبار ( ش ، غ ، م ) بەبڕیاری بەڕێز داوەر و بەپێی ماددەی 446 ڕاگیراوە و لێكۆڵینەوە لەگەڵیدا بەردەوامە .
کامەران کەریم

یەکەم کەس بە بۆ ناردنی تێبینی.

دوو تۆمەتبار لە سلێمانی دەستگیركران