بەرهەم ساڵح: نەجەف رەمزی یەکسانی و دادپەروەری و پشتیوانیکردن لە پێکەوەژیانی ئاشتیانەیە

(0) / / عراق / زایەڵە بەرهەم ساڵح نەجەف

Jun 14, 2022

قەبارەی فۆنت:

زایەڵە - بەرهەم ساڵح لەمیانی پێشوازیکردنی لە ژمارەیەک کەسایەتی هۆزەکان، رایگەیاند؛ نەجەف رەمزی یەکسانی و دادپەروەری و پشتیوانیکردن لە پێکەوەژیانی ئاشتیانە و ھێنانەئاراوەی داواکاری هاووڵاتیانە.

د. بەرهەم ساڵح، سەرۆک کۆماری عێراق ئەمڕۆ سێشەممە 14ی حوزەیرانی 2022 پێشوازیکرد لە ژمارەیەک کەسایەتی هۆزەکانی نەجەف و سەبارەت بە بارودۆخی گشتی وڵات و دۆخی نەجەف گفتوگۆکرا.

لە دیدارەکەدا بەرهەم ساڵح جەختیکردەوە لە رۆڵی گەورەی نەجەف و مەرجەعیەتی ئایینی و کەسایەتی هۆزەکان لە پاراستنی پێکەوەژیانی کۆمەڵایەتی وڵات، ھەروەھا رایگەیاند نەجەف بووەتە رەمزی یەکسانی و دادپەروەری و پشتیوانیکردن لە ھێنانەئاراوەی داواکاری ھاووڵاتیان و بەرقەرارکردنی ئاسایش و ئارامی.

لە بەشێکی دیکەی دیدارەکەدا بەرھەم ساڵح ئەوەشی خستەڕوو کە پێویستە زەمینەسازیی بۆ سازان و یەکڕیزی نیشتمانی لە نێوان سەرجەم پێکھاتەکان بێتەئاراوە لە پێناو ھێنانەدی بەرکەوتە نیشتمانییەکان بە ئاڕاستەی باشترکردنی بژێوی ژیانی خەڵک و پێشکەشکردنی خزمەتگوزارییەکان.

شەیر کردن:

تێبينيێك بنێرە:

تێبينى (0):

یەکەم کەس بە بۆ ناردنی تێبینی.