پەرلەمانتارێکی عێراق بۆ زایەڵە: پارەی ساڵانی ڕابردووی گەنمی جوتیاران خەرج دەکرێت
(0) /
زایەڵە - د، نەرمین مەعروف ئەندامی پەرلەمانی عێراق بەزایەڵەی ڕاگەیاند، دوای هەوڵ و بەدواداچوونێکی زۆرم بۆ مافی شایستەی جوتیارانی هەرێمی کوردستان، ئەنجومەنی وەزیرانی عێراق بە نووسراوی فەرمی بڕیاری خەرجکردنی پارەی گەنمی جوتیارانی هەرێمی کوردستانی بۆ ساڵانی (٢٠١٤، ٢٠١٥، ٢٠١٦) دەرکرد .
وتیشی، پێشتر بەڵێنم بە جوتیارانی خۆشەویست دابوو کە بەدواداچوون بکەم و مافەکەیان بۆ بگەڕێنمەوە، دڵخۆشم کە توانیم بە ئەرکی پەرلەمانتاری خۆم هەڵسم و خزمەتی جوتیارانی ئازیز بکەم.
ئەوپەرلەمانتارە ڕونیشیکردەوە ، پێموایە دەبێت پەرلەمانتار بە کردار کار بۆ خەڵک بکات و بەڵێنەکانی جێبەجێ بکات و لە هەوڵەکانی بۆ هەموو چین و توێژەکان بەردەوام بێت، نەک تەنها لە راگەیاندنەوە خۆی بە پاڵەوان بکات.
ئامادەکردنی- کامەران کەریم
پۆستە پەیوەندی دارەکان:
تێبينى (0):
یەکەم کەس بە بۆ ناردنی تێبینی.
تێبينيێك بنێرە: