پێنج هەزار کەس لە دەرچوانی کشتوکاڵ و ڤێتەرنەری دادەمەزرێندرێن
(0) /
زایەڵە - ڕزگار حەمەد خدر ڕاوێژکاری وەزارەتی کشتوکاڵ و ئاودێری حکومەتی هەرێمی کوردستان بە ڕۆژنامەنووسانی ڕاگەیاند، کە سالانێکە بەهۆی قەیرانی دارایی لە کوردستان دامەزراندن نەبووە.
وتیشی، بەهۆی ئەو سیاسەتەی کابینەی نۆیەم هەیەتی بۆ بەسیستم کردنی دامەزراندنی پسپۆڕی بۆ دەستی کار لە کوردستان، بۆیە لەگەڵ لایەنەپەیوەندیدارەکان داوامان کرد دەرچوانی دانەمەزراو فۆڕم پڕ بکەنەوە تا ئێستا 11 هەزار و 23 فۆڕم پڕکراونەتەوە.
باسی لەوەکرد، دوای ووردبینی بۆ ناوەکان لەو ژمارەیە پێنج هەزار کەس دادەمەزرێن کە بەپێی پارێزگا و ئیدرە سەربەخۆکان دابەش کراون.
لەوانەش
لە پارێزگای هەولێر 1970 کەس
لە پارێزگای سلێمانی 2394کەس
لە پارێزگای هەڵەبجە 445 کەس
لە پارێزگای دهۆک 2096 کەس
لە ئیدارەی گەرمیان 990 کەس
لە ئیدارەی ڕاپەڕین 713 کەس
لە ئیدارەی زاخۆ 291 کەس
لە ئیدارەی سۆران 124کەس
لە کۆتایی قسەکانیدا ڕاوێژکارەكەی وەزارەتی کشتوکاڵ وتی ، دوای دەرچوونی ناوەکان پاشان خوولیان بۆ دەکرێتەوە و دابەشی سەر پڕۆژە کشتوکاڵییەکان دەکرێن و مانگانە موچەیان بۆ دابین دەکرێت.
ئامادەکردنی- کامەران کەریم
تێبينيێك بنێرە: