بە دەستپێشخەریی بافڵ جەلال تاڵەبانی؛ كۆبونەوەی كەسی یەكەمی لایەنە سیاسیەكانی هەرێم دەستیپێكرد
(0) /
زایەڵە - وەك بڕیاربوو ئەمڕۆ پێنج شەممە كۆبونەوەی كەسی یەكەمی لایەنە سیاسیەكانی هەرێمی كوردستان لە هاوینەهەواری دووكان دەستیپێكرد و ئەمینداری گشتی یەكگرتووی ئیسلامیی كوردستانیش بەشداری كۆبونەوەكەیە.
لە ئێستادا كۆبونەوەی كەسی یەكەمی لایەنە سیاسیەكانی هەرێمی كوردستان دەستیپێكردوەو جگە لە سەرۆكی پارتی و نەوەی نوێ، سەرۆكی سەرجەم حزبەكانی هەرێم بەشداری كۆبونەوەكەن.
لەبارەی كۆبونەوەكەوە، سالار سەرحەد لێپرسراوی بۆردی پەیوەندییە كوردستانییەكانی یەكێتی بە ماڵپەڕی فەرمی یەكێتی راگەیاند، یەكێتی بانگهێشتی كەسی یەكەمی سەرجەم حزب و پارتە سیاسییەكانی هەرێمی كوردستانی كردووە بۆ كۆبوونەوە و گفتوگۆكردن لەبارەی بارودۆخی هەرێمی كوردستان.
ئاماژەی بەوەشكرد، تەوەرێكی دیكەی كۆبوونەوەكە گفتوگۆ دەبێت لەسەر كێشە هەڵپەسێردراوەكانی نێوان هەرێم و عیراق و یەكێتی لەم كۆبوونەوەیەدا كەسی یەكەمی سەرجەم حزب و پارتە سیاسییەكانی بەبێ رەچاوكردنی ژمارەی كورسی و لەسەر بنەمای یەكدەنگی هاوبەش بۆ پرسە نیشتمانییەكان بانگهێشتكردووە.
ئامادەکردنی- کامەران کەریم
تێبينيێك بنێرە: