داوای زیادکردنی مووچەی چینێک دەکرێت
(0) /
زایەڵە - سەوسەن محەممەد، سەرۆکی لیژنەی کاروباری شەهیدان و قوربانییانی جینۆساید و زیندانیانی سیاسی رایگەیاند،ئەمرۆ لەگەڵ ژمارەیەک لە رزگاربووانی ئەنفال کۆدەبنەوە بۆ تاوتوێکردن و بەدواداچوون بۆ کێشە و گیروگرفتەکانیان و سبەی کە دەکاتە دووشەممە لەگەڵ وەزیری شەهیدان و ئەنفالکراوان کۆدەبنەوە.
بە وتەی سەرۆکی لیژنەی شەهیدان، کۆبوونەوەیان لەگەڵ وەزیری شەهیدان بۆ ئەوەیە لە هەندێک گیروگرفتی شەهیدان و رزگاربووانی ئەنفال و زیندانیانی سیاسی ئاگاداریان بکەنەوە.
ناوبراو وتویەتیشی ، داوا دەکەین لە داهاتی چاکسازی لە مووچە کە بۆ حکومەت دەگەڕێتەوە، بەشێکی بۆ کەسوکاری شەهیدان تەرخانبکرێت، چونکە پێویستە ژیانێکی باشتریان هەبێت و حکومەت ئاوڕیان لێبداتەوە،
سەرۆکی لیژنەی کاروباری شەهیدان و قوربانییانی جینۆساید و زیندانیانی سیاسی بە تۆڕی میدیایی رووداوی وتوە: "هەندێک گرفت و کێشە هەن کە ئاراستەی لیژنەکانمان کراوە و بەدواداچوونمان بۆ کردووە ئەوانەش بەشێک دەبن لە گفتوگۆکانمان لەگەڵ وەزیری شەهیدان.
ئامادەکردنی- کامەران کەریم
تێبينيێك بنێرە: