سەرکردەیەکی کۆمەڵی دادگەری بۆزایەڵە: ئەگەر دادگەری كۆمەلایەتی هەبێ كورد ئیكتیفای زاتی ماڵی ئابوری خۆی هەیە
(0) /
زایەڵە - شوان رابەر جەخت لەسەر ئەوە دەکاتەوە " ئەگەر دادگەری كۆمەلایەتی هەبێ كورد ئیكتیفای زاتی مالی ئابوری خۆی هەیە بە جۆرێ كە سەروات و داهاتەكان و بودجە (میزانیە)ی كوردستان بەقەد دەولەتێكی وەك سوریایە ئەگەر لە خزمەتی گەل دابێ و خەرج بكرێ كەس هەست بە ژانە زگی برسێتی ناكا."
شوان رابەر ئەندامی ئەنجومەنی کۆمەڵی دادگەری بەزایەڵەی ڕاگەیاند، بێ گومان میللەتی كورد وەك خەباتی مێژوویی خۆی كە لە پێناو كوردایەتی دا نیو سەدە شۆرش و خەباتی كرد و قوربانی دا و، هەول و ڕەنجێكی بێ وێنەی دا لە‌و پێناوە دا، خەلكێكی زۆری كەوتە چیا بۆ خەبات و پێشمەرگایەتی كردن ،لەوماوەیەدا لەوپێناوە دەیان هەزار ڕۆلەی قارەمانی كورد بوونەتە قوربانی و بۆ نەتە كەم ئەندام و پەككەوتە و، گەلی كورد بە فیتی سیاسەتی دەرەوە و دەستی ڕەشە دەسەلاتدارە یەك لە دوایەكەكانی (عێراق) ەوە دەیان هەزار كەسی لێ جینۆساید (قڕە بڕ و بە كۆمەل كوژ) كراوە و زیاتر لە (4030) دێهاتی وێران كراوە و (200) هەزار كەس ڕژێم ئەنفال كراوە و، لە زیندانەكاندا كوشتارگشت و بنبڕكراون و سوكایەتی یان پێ كراوە و ئابڕوی كورد براوە و چەندان ناوچەكانی كوردستان شیمیا باران كراون و، بەردەوام ناوچەكوردیەكان بۆمباران و ئاگر باران كراون بە جۆرێ كە ئارامیان لێ هەلگیراوە لە نێو شارەكان بەناوی سیاسەتەوە لەسەر كوردایەتی، دەیان هەزار كەس لەگرتوخانە كراوە و گوللە باران كراون .هتد ، زۆر لەمە زیاتر بە هەموو شێوەیەك زیانی ماددی و مەعنەوی زۆر لە كورد كەوتوە، هەمووی بۆ ڕزگاری بۆ ئەو رۆژەی كە خەونە ئەستەم و خەیال پلاوەكانی كورد بێنە دی بۆ ئەمڕۆ كە كە بەمەرام بەگەینن، كەچی ئەمڕۆ كە دەبینین الحمد لله خوا بەدەست و بازوی جەماوەر ی كوردستان وهێزی پێشمەرگە ڕزگاری كردین و ترس و بیمی خستە سەر حوكمی ڕژێم لە كوردستان و تۆقاندی. وتیشی، بەم شێوەیە بە ناچار لە هەلبژاردن ێكی بێ ویستی گەلی كورد مەلۆتكەی پاڕلەمانی دامەزراندن و سوپا و دەزگاكانی خستە كار، بۆ ئەوەی (ئەحزاب) نموونەی گیان فیدایی و خۆبەختكاری و دەستپاكی و خزمەتكاری گەل بن، میللەت ئاسودەو تێر بكەن، ئەگەر دادگەری كۆمەلایەتی هەبێ كورد ئیكتیفای زاتی مالی ئابوری خۆی هەیە بە جۆرێ كە سەروات و داهاتەكان و بودجە (میزانیە)ی كوردستان بەقەد دەولەتێكی وەك سوریایە ئەگەر لە خزمەتی گەل دابێ و خەرج بكرێ كەس هەست بە ژانە زگی برسێتی ناكا ، گەر بە ئەندازەی هەقی هاولاتیەتی خۆیان پێ بدرێ، بۆ ئەوەی میللەت بە جۆرێ تێر و تەژی و ئاسودە بێ هەرگیز هەست بە ژان و زامە كۆنەكان نەكا كە لە پێناوی كوردایەتی توشی بوین و هەزاران سلاوو درود بۆ لەسەر سەركردەكان لێ بدەن، ئەوانەی كە خزمەتی گەل و وولات دەكەن و بار و گوزەرانی خەلك باش دەكەن ، خزمەتكاریانە تا خەلك بیان پارێزێ و دوعای خێریان بۆ بكا نەك تەمەننای نەمان و مردنیان بكا، بۆ دەبێ (سەركردە) یەك نەوێرێ بە پێ بە بێ حیمایە بە بازاردا بڕوا نەك بە دەیان سەیارە مەبادا تیرۆر بكرێ (چونكە پیاوێكی سیاسیە ؟) بەلام ئیمامی عومەر خەلیفەی موسلمانان ب ونەك پاریزگاری هەرێم و ئوستانێك ، نیوە شەوان بەپێ بە نێو كوچە و كۆلانەكانی نێو شاردا دەگەڕا تا هاوكاری هەژار و پیر وپەككەوتەكان بكا، بەلام كەس تیرۆری نەدەكرد خۆ سەرەك دەولەت بو، چونكە خزمەتكاری گەل بو، خەلكیش خزمەتی دەكرد و پارێزگاریان لێ دەكرد .
ڕونیشیکردەوە، بەلام ئەمڕۆ كە سەرە ڕای ئەم هەموو خەرجیە ماددی و مەعنەویەی باسكرا كە زیان لە كورد درا، شۆڕش بۆتە شەوە ڕەش و چەوساندنەوە و دیكتاتۆریەت و گالتە‌و بازرگانی بە گەلی كورد دەكرێ و بونەتە نمونەی شەڕ و شۆڕ و كورد كوژی بە جۆرێ كە كورد لەبەر چاوی گەلانی دونیا بێزرا، لە كاتێكا هەموویان هەر دیموكراسی و هاوبیر و باوەڕ بن، بەلام لەسەر كورسی و دەسەلات و پارە بەشەڕ دێن و یەكتری دەكوژن كە ئەوە كورد زۆر دوا دەخات و ناسنامەكەی دشێوێنێ و دەسكەوتە مێژویەكەشی ڕەنگە لەدەست بدات وێڕای ئەوەی كە هیچ بۆ دین نەكراوە بەلكو هیچیش بۆ كورد نەكراوە، تەنها خۆ پڕچەك كردن نەبێ بەو مەبەستە ، بۆیە گەر خەلكی بەهەویای هەناسەیەكی سارد و پشێوێكی ئاسودە بێ كەڕێكەوتنامەیەك لە نێوان حزبەكان بكرێ، هەتا دونیا دونیا یە ، ئەوە مەحالە تا ئەو نیەت و تێگەیشتن و بەرنامەیان هەبێ دەبێ تەنها یەكتری بكوژن ویەكتری دابەش بكەن .
کامەران کەریم
پۆستە پەیوەندی دارەکان:
تێبينى (0):
یەکەم کەس بە بۆ ناردنی تێبینی.
تێبينيێك بنێرە: