مەسعود بارزانی و محەممەد شیاع سوودانی جەخت لەسەر چارەسەركردنی گرفتەكان دەکەنەوە
(0) /
مەسعود بارزانی لەگەڵ سەرۆکوەزیرانی عێراق کۆبووەوە و جەختیشیان لە چارەسەركردنی گرفتەكان لەسەر بنەمای دەستوور كردەوە.
رۆژی سێشەممە 14ی ئاداری 2023، لە پیرمام مەسعود بارزانی لەگەڵ محەممەد شیاع سوودانی، سەرۆکوەزیرانی عێراق و شاندی یاوەری کۆبووەوە.
بەگوێرەی راگەیێندراوی بارەگای بارزانی، بارزانی نیوەڕۆخوانێکی بۆ محەممەد شیاع سوودانی رێکخستووە.
بارزانی و محەممەد شیاع سوودانی بیروڕایان لەبارەی بارودۆخی سیاسیی عێراق و هەنگاوەكانی حكومەتی عێراق و جێبەجێكردنی رێككەوتننامەكان ئاڵوگۆڕ كرد و جەختیشیان لە چارەسەركردنی گرفتەكان لەسەر بنەمای دەستوور كردەوە.
وەک لە راگەیێندراوەکەدا هاتووە، بارزانی پاڵپشتیی خۆی بۆ حكومەتی عێراق دووپات كردەوە و هیواشی خواست ئیرادەی هەموو لایەنە سیاسییەكان بە ئاراستەی چارەسەركردنی كێشەكان و سەقامگیری بێت.
پۆستە پەیوەندی دارەکان:
تێبينى (0):
یەکەم کەس بە بۆ ناردنی تێبینی.
تێبينيێك بنێرە: