پارێزگاری سلێمانی ژمارەی کوژراو و بریندارانی بۆردومانەكەی پێنجوێن ئاشكرا دەکات
(0) /
زایەڵە - بەپێی لێكۆڵینەوە سەرەتاییەكان لە هێرشەكەی شەوی رابردوودا كە لە قەزای پێنجوێن روویدا دوو كەس كوژران و دووی تریش بریندارن.
د. هەڤاڵ ئەبوبەكر، پارێزگاری سلێمانی لە پەیوەندیەكی تەلەفۆنیدا لەگەڵ مەسرور بارزانی، سەرۆكی حكومەتی هەرێمی كوردستان رایگەیاندووە "بەپێی لێكۆڵینەوە بەراییەكان، لە ئەنجامی ئەم بۆردومانانەدا دوو كەس شەهیدبوون و دوو كەسی تریش بریندارن".
پارێزگاری سلێمانی ئاماژەی بەوەكردووە، نیگەرانیی خۆی و قائیقامییەتی قەزای پێنجوێن و خەڵكی سنورەكەی پەیوەست بەم هێرشانە گەیاندە مەسرور بارزانی و ئومێدی كۆتایهاتنی ئەم هێرشانەو بەدورگرتنی هاوڵاتیانی ناوچەكە بە تایبەتیی كە لە ئێستادا سەرگەرمی كشتوكاڵ و ژیانی ئاسایی خۆیانن خواستوە.
ئێوارەی دوێنێ فڕۆكەی بێفڕۆكەوانی توركیا بۆردومانی ئۆتۆمبێلێكی لە چەند گوندێكی قەزای پێنجوێن كرد.
پۆستە پەیوەندی دارەکان:
تێبينى (0):
یەکەم کەس بە بۆ ناردنی تێبینی.
تێبينيێك بنێرە: