بەڕێوەبەپی ناحیەی بیارە بۆ زایەڵە: هەوڵەکانمان بەئاکام گەیشت
(0) /
زایەڵە - حەمید بارام بەڕێوەبەری ناحیەی بیارەی سەر بەپارێزگای هەڵەبجە بە زایەڵەی ڕاگەیاند، دوای هەوڵ وبەدواداچونی بەردەوام و سەردانەکانمان بۆ لای بەرێزوەزیری ئاوەدانکردنەوەونیشتەجێکردن بەرێزیان فەرمانیان کرد بەئامادەکردنی دەرخستەیەک بۆ نۆژەنکردنەوەی رێگای بیارە-تەوێڵە بەسێ قۆناغ ،قۆناغی یەکەم رێگای نێوان بیارە-بەڵخەیە بەدرێژایی ٤،١ کیلۆمەتر دوای ئەوەی رەزامەندی تەمویلی پرۆژەکە لەلایەن بەرێز وەزیری دارایی و ئابوریەوە پەسەند کرا بەخۆشحاڵیەوە بەم نزیکانە لەسەر بودجەی وەزارەتی ئاوەدانکردنەوەو نیشتەجێکردن دەچێتە بواری جێبەجێکردنەوە .
ڕاشیگەیاند: پێویستە سوپاس و دەستخۆشی هەریەک لەبەرێزان جەنابی وەزیری ئاوەدانکردنەوەو نیشتەجێکردن و جەنابی وەزیری دارایی وئابوری بکەین و هەروەها سوپاسی بەرێوەبەرایەتی رێگاوبانی هەڵەبجە و هەموو ئەو کەس و لایەنانە بکەین هاوکارو پشتیوان بوون لەبەجێگەیاندنی ئەم پرۆژەیە.
وتیشی، ئەرکی سەرشانمانە وەک بەرێوبەری ناحیەی بیارە خزمەتی هاوڵاتیانی ناحیەکەمان بکەین و بەردەوام دەبین لەگەیاندنی داواکاریەکانیان بەلایەنی پەیوەندیدار هیچ رێگری و لەمپەرو بەربەستێک ساردمان ناکاتەوە لەخزمەتکردنی هاوڵاتیانی خۆشەویستی ناحیەی بیارە .
کامەران کەریم
پۆستە پەیوەندی دارەکان:
تێبينى (0):
یەکەم کەس بە بۆ ناردنی تێبینی.
تێبينيێك بنێرە: