لە سلێمانی چوار کەس لەسەر سەربڕینی ئاژەڵ بە نایاسایی دەستگیرکران
(0) /
زایەڵە - لیژنە ھاوبەشەکانی قائیمقایەتی سلێمانی ھەڵمەتێکیان بۆ لابردنی ئەو شوێنانەی بە نایاسایی دانراون بۆ فرۆشتن و سەربڕینی ئاژەڵ دەستپێکردوە و سەرۆکی لیژنەکانیش دەڵێت، چوار کەس دەستگیرکراون.
رێکان جەمال، سەرۆکی لیژنە ھاوبەشەکانی قائیمقامیەتی سلێمانی بەزایەڵەی راگەیاند، بەردەوامن لە ھەڵمەتی نەھێشتنی ئەو شوێنانەی بەنایاسایی دانراون بۆ فرۆشتن و سەربڕینی ئاژەڵ، لەو چوارچێوەیەشدا بنکەی پۆلیسی راپەرین سێ کەسی دەستگیرکردوە، لە سلێمانیش کەسێک دەستگیرکراوە، دەستیشبەسەر بڕێکی زۆری پێداویستی سەربڕینی ئاژەڵدا گیراوە.
ئاماژەی بەوەشکرد، توانیویانە کۆنتڕۆڵی (90%) ئەو شوێنان بکەن کە بە نایاسایی ئاژەڵی لێ سەردەبڕدرێت.
لەکاتی هەبونی گومان یان بۆ گەیاندنی سکاڵا و زانیاری بەقائیمقامیەتی سلێمانی و لیژنە هاوبەشەکان، پەیوەندی بە ژمارە مۆبایلی (07708677777)ـەوە بکەن.
کامەران کەریم
پۆستە پەیوەندی دارەکان:
تێبينى (0):
یەکەم کەس بە بۆ ناردنی تێبینی.
تێبينيێك بنێرە: