نرخی بەنزین بەرز بویەوە
(0) /
زایەڵە - بەھمەن قادر وتەبێژی بەنزینخانەكانی سلێمانی بە ڕۆژنامەنوسانی ڕاگەیاند: نرخی لیترێك بەنزینی نۆرماڵ لە ٨٥٠ بۆ ٩٠٠ دینار و موحەسەن لە ١٠٥٠ بۆ ١٠٧٥ دینار و بەنزینی سوپەریش لە ١٢٠٠ دینار بۆ ١٢٥٠ دینار بەرزبووەتەوە، بەڵام نرخی غازی شل (ئێڵ پی جی)ی دابەزیووە و بووە بە ٤٢٥ دینار.
وتیشی: ھۆكاری بەرزبوونەوەی بەنزین بۆ زیادبوونی خواست و كەمی خستنەڕو دەگەڕێتەوە، چونكە پشكی پێویستی پارێزگای سلێمانی لە ھەرێم و عێراقیش ناگاتە بەڕێوەبەرایەتی دابەشكردنی نەوت و كانزاكان.
ئەوەشی خستەڕوو: ھۆكارێكی دیكەی بەرزبوونەوەی نرخی بەنزین پەیوەندی ھەیە بە بەرزبوونەوەی بەھای دۆلار، بەھۆی ئەوەی سوتەمەنی بازرگانی لە دەرەوە ھاوردەدەكرێت و بازرگانەكانیش بە دۆلار دەیكڕن، بۆیەش ناچارن بە نرخێكی گرانتر بیخەنەبازارەوە.
جێگەی باسە، شۆفێران چاوەڕوانی بەڵێنی بەرپرسان و نوێنەرانی كوردبوون لە بەغدا كە بەهۆی ڕادەستكردنی نەوتی هەرێمی كوردستان بە بەغدا، نرخی سوتەمەنی بەتایبەت بەنزین هاوشێوەی پارێزگاكانی عێراقی لێ بكرێت، بەڵام بەپێچەوانەوە نرخەكەی زیاتر بەرزبویەوە.
کامەران کەریم
پۆستە پەیوەندی دارەکان:
تێبينى (0):
یەکەم کەس بە بۆ ناردنی تێبینی.
تێبينيێك بنێرە: