سەرکونسوڵی ئێران لە سلێمانی تاجەگوڵینەی لە سەر مەزاری شەهیدانی هەڵەبجە دانا
(0) /
سەرکونسوڵی کۆماری ئیسلامی ئێران لە سلێمانی لە ساڵڕۆژی کارەساتی کیمیابارانی هەڵەبجە سەردانی ئەو شارەی کرد و تاجەگوڵینەی لە سەر مەزاری شەهیدان دانا.
بەپێی ڕاپۆرتی زایەڵە، مەهدی شوشتەری رۆژی سێ شەمە بەرواری ١٦ی مارسی ٢٠٢١ و لە سی و سێیەمین ساڵرۆژی کارەساتی کیمیابارانی هەڵەبجەدا، بە سەرۆکایەتی وەفدێک لە سەرکونسوڵگەری سەردانی ئەم شارەی کرد.
شوشتەری لە سەرەتای گەشتەکەیدا سەردانی گۆڕستانی شەهیدانی کرد و به دانانی تاجەگوڵینە و خوێندنی فاتیحە، یادی قوربانیانی ئەم کارەساتە مرۆڤایەتیەی بەرز راگرت.
دواتر سەرکونسوڵی کۆماری ئیسلامی ئێران لە بینای پارێزگا لەگەڵ ئازاد تۆفیق پارێزگاری هەڵەبجە کۆبوویەوە و باسیان لە پتەوکردنی پەیوەندیەکان بە تایبەت پەیوەندیە ئابووری و بازرگانیەکان کرد.
بەرنامەی کۆتایی ئەم گەشتە بە دیدار لەگەڵ دکتۆرە مەهاباد کامیل عەبدوڵڵا سەرۆکی زانکۆی هەڵەبجە و بەشێک لە جێگران و بەرێوبەرانی ئەو زانکۆیە بوو.
لەم دیدارەدا پەرەپێدانی پەیوەندیە زانستی و زانکۆییەکانی نێوان زانکۆی هەڵەبجە و زانکۆکانی کۆماری ئیسلامی ئێران خرایەبەر باس و گفتوگۆوە.
تێبينيێك بنێرە: