وەزارەتی تەندروستیی هەرێم : لە هەولێر چوار دەرمانخانە داخران
(0) /
زایەڵە - بە هۆکاری بوونی دەرمانی قاچاخ و نایاسایی و بێسەرچاوە چوار دەرمانخانە لە شاری هەولێر داخران.
وەزارەتی تەندروستیی هەرێم بڵاویکردەوە: پاڵپشت بە راسپاردە و بڕیاری لیژنەی لێکۆڵینەوە بە چاودێری سەرۆکایەتی داواکاریی گشتی، بە هۆکاری بوونی دەرمانی قاچاخ و نایاسایی و بێسەرچاوە چوار دەرمانخانە لە شاری هەولێر داخران و کاری پیشەی دەرمانسازی بۆ ماوەی شەش مانگ لە خاوەنەکانیان قەدەغەکران.
ئەو دەرمانخانانەی لە سنووری هەولێر داخران بریتین لە دەرمانخانەی ئەمیر،دەرمانخانەی بیمار، دەرمانخانەی هاوس فارما و دەرمانخانەی پەخشان.
هەروەها لە راگەیەندراوەکەی تەندروستیی هەرێمدا هاتووە، هاوڵاتییان بۆ ئەوەی دووربن لە بەکارهێنانی دەرمانی بێسەرچاوە و بێ ستیکەر، لە رێگەی هێڵە گەرمەکانی پەیوەندیکردن تیمەکانی چاودێری بازاڕی لێ ئاگاداربکەنەوە.
کامەران کەریم
پۆستە پەیوەندی دارەکان:
تێبينى (0):
یەکەم کەس بە بۆ ناردنی تێبینی.
تێبينيێك بنێرە: