وەزارەتی کشتوکاڵ: مانگانە دوو هەزار تۆن پەتاتە هەناردەی وڵاتانی کەنداو دەکەین
(0) /
زایەڵە - وتەبێژی وەزارەتی کشتوکاڵی هەرێم رایگەیاند: هەفتانە 500 تۆن و مانگانە دوو هەزار تۆن بەرهەمی پەتاتە هەناردەی وڵاتانی کەنداو و بە تایبەت ئیمارات دەکرێت.
هیوا عەلی وتەبێژی وەزارەتی کشتوکاڵی هەرێمی کوردستان ئاماژەی بەوەکرد:بەپێی گرێبەستی نێوان هەرێمی کوردستان و ئیمارات، ئەمڕۆ 500 تۆن پەتاتەی بەرهەمی ناوخۆ رەوانەی وڵاتی ئیمارات کرا .
ئەوەشی خستەڕوو:ناردنی بەرهەمی پەتاتەی جوتیارانی هەرێم بۆ ئەو وڵاتە بەردەوام دەبێت و هەموو هەفتەیەک 500 تۆن هەناردە دەکرێت .
روونیشیکردەوە: جیا لەو بڕەی هەناردەی دەرەوە دەکرێت، بڕی پێویستی بەرهەمی پەتاتە بۆ پێداویستی ناوخۆ بەردەستە.
کامەران کەریم
تێبينيێك بنێرە: