بافڵ جەلال تاڵەبانی: شەهیدكردنی نیاز دەرگەڵەیی لە رووداوێكی گوماناویدا مایەی نیگەرانیمانە
(0) /
زایەڵە - سەرۆكی یەكێتی لە پەیامێكدا رایدەگەیەنێت، شەهیدكردنی نیاز دەرگەڵەیی لە رووداوێكی گوماناویدا مایەی نیگەرانی ئێمەیە و دەشڵێت، هەموو لایەنە ئەمنییەكان راسپێردراون بەزووترین كات تاوانباران ئاشكرابكەن و رووبەڕووی دادگا بكرێنەوە.
دەقی پەیامەكە:
شەهیدکردنی فەرماندە و پێشمەرگەی دێرین هەڤاڵ نیاز دەرگەڵەیی، ئەندامی پێشووی ئەنجوومەنی ناوەندی لە دڵەوە نیگەرانیكردین.
بۆ ئەم خەمە قووڵە پرسە و سەرەخۆشی خۆم ئاڕاستەی كەسوكار و بنەماڵە سەربەرزەكەی دەكەم كە نموونەی باڵای خەبات و تێكۆشانن لەپێناو كوردستان.
کاک نیاز لە بنەماڵەیەکی دیار و خەباتگێڕی دەڤەری باڵەکایەتی بوو، ئەرك و بەرپرسیارێتییەكانی بە ئەوپەڕی راستگۆییەوە رادەپەڕاند. شەهیدكردنیشی لە رووداوێكی گوماناویدا مایەی نیگەرانی ئێمەیە و هەموو لایەنە ئەمنییەكانیش راسپێردراون بەزووترین كات تاوانباران ئاشكرا بكەن و رووبەڕووی دادگا بكرێنەوە.
خوای گەورە هەڤاڵی كۆچكردوومان بە بەهەشتی بەرین شاد بكات و سەبووری بەهەموولایەك ببەخشێت.
بافڵ جەلال تاڵەبانی
سەرۆکی یەکێتیی نیشتمانیی کوردستان
پۆستە پەیوەندی دارەکان:
تێبينى (0):
یەکەم کەس بە بۆ ناردنی تێبینی.
تێبينيێك بنێرە: