قوباد تاڵەبانی: نابێت هاووڵاتییانی هەرێم لە دۆخی بێ بودجەیی و بێ مووچەیی بمێننەوە
(0) /
زایەڵە - قوباد تاڵەبانی جێگری سەرۆك وەزیرانی هەرێم رایگەیاند: لە هەوڵدان بۆ دۆزینەوەی چارەسەرێكی گونجاو بۆ زاڵبوون بەسەر كێشەكان و نابێت هاووڵاتییانی هەرێم لەوە زیاتر لە دۆخی بێ بودجەیی و بێ موچەییدا بمێننەوە.
قوباد تاڵەبانی پێشوازیكرد لە كریستیانە هۆمان باڵیۆزی نوێی ئەڵمانیا لە عێراق و پیرۆزبایی دەستبەكاربوونی لێكرد و هیوای خواست لە ماوەی ئەركەكەیدا لە عێراق، پەیوەندییەكانی نێوان هەرێمی كوردستان و حكومەتی ئەڵمانیا بەرەوپێشچوونی زیاتر بەخۆیەوە ببینێت.
قوباد تاڵەبانی ئاماژەیدا بە گرفت و بەربەستەكانی بەردەم جێبەجێكردنی یاسای بودجە و رایگەیاند، لە هەوڵدان بۆ دۆزینەوەی چارەسەرێكی گونجاو بۆ زاڵبوون بەسەر كێشەكان و نابێت هاووڵاتیانی هەرێم لەوە زیاتر لە دۆخی بێ بودجەیی و بێ موچەییدا بمێنن.
قوباد تاڵەبانی سوپاسی هاوكارییەكانی حكومەتی ئەڵمانیاشی كرد بۆ هەرێمی كوردستان، بە تایبەتیش ئەو پڕۆژانەی لەلایەن نوسینگەی جێگری سەرۆك وەزیرانەوە ئامادەكراون، لەوانە هەمەجۆركردنی سەرچاوەكانی داهات و پڕۆژەكانی ریفۆرمی ئابوری و پڕۆژەی گەشتوكاڵ.
کامەران کەریم
تێبينيێك بنێرە: