داوایەكی بەغداد لەبارەی دابەشكردنی مووچەی مووچەخۆرانی هەرێمەوە ئاشكرابوو
(0) /
زایەڵە - سەرۆكی فراكسیۆنی یەكێتی لە ئەنجومەنی نوێنەرانی عێراق رایدەگەیەنێت: چاوەڕواندەكرێت هەفتەی داهاتوو شاندی هەرێم سەردانی بەغداد بكاتەوە و دەشڵێت، "حكومەتی عێراق دەیەوێت لە رێگای بانكی حكومییەوە مووچەی مووچەخۆرانی هەرێمی كوردستان دابەشبكات.
هەرێم كەمال ئاغا سەرۆكی فراكسیۆنی یەكێتیی نیشتمانیی كوردستان لە ئەنجومەنی نوێنەرانی عێراق لە لێدوانێكیدا رایگەیاند: لە دوا سەردانی شاندی هەرێم و كۆبوونەوەیان لەگەڵ وەزیری دارایی عێراق و لیژنەی دارایی ئەنجومەنی نوێنەران باس لە لیستی مووچە و میلاكات دەروازە سنوورییەكان و داهاتەوە كراوە كە هەردوولا كۆكبوون لەسەر چارەسەركردنی كێشەكان.
راشیگەیاند: حكومەتی عێراق دەیەوێت لە رێگای بانكی حكومییەوە مووچەی مووچەخۆرانی هەرێمی كوردستان دابەشبكات و ئومێدەوارین لەم ماوەیەدا كێشەكان چارەسەربكرێن و نابێت چیتر مووچەخۆران باجی هیچ ناكۆكییەكی سیاسی بدەن.
کامەران کەریم
تێبينيێك بنێرە: