راگەیاندنی زانکۆی سلێمانی: ئەو مامۆستایەی وشەی نەشیاوی بەرامبەر کچە پەیامنێرێک بەکارهێنا سزادەدرێت

زایەڵە - راگەیاندنی زانکۆی سلێمانی بڵاویکردەوە:  سه‌رۆكایه‌تی زانكۆ لیژنه‌یه‌كی لێكۆڵینه‌وه‌ی له‌سه‌ر ئه‌و مامۆستایه‌ پێكهیناوه‌ کە وشەی نەشیاوی بە کچە پەیامنێرێک وتووە و سزای خۆی وه‌رده‌گرێت .

راگەیاندنی زانکۆی سلێمانی لە بەیاننامەیەکدا بڵاویکردەوە:ْئێمه‌ وه‌ك راگه‌یاندنی زانكۆی سلێمانی كه‌ خۆمان راگه‌یاندنكارین و له‌هه‌مانكاتیشدا كاری راگه‌یاندن ده‌كه‌ین و پسپۆڕی بواره‌كه‌شین، له‌م روانگه‌یه‌وه‌ رێزێكی تایبه‌ت له‌راگه‌یاندنكاران و پیشه‌كه‌یان ده‌گرین و به‌رده‌وام هه‌وڵمان داوه‌ هاوكارێكی باشی بین بۆیان و وابكه‌ین كه‌ به‌شێك له‌كارو چالاكییه‌كانمان به‌بێ جیاوازی له‌ده‌زگاكانی راگه‌یاندنه‌وه‌ بڵاو بكرێنه‌وه‌و راگه‌یاندنه‌كان ببنه‌ گه‌یه‌نه‌ری ده‌نگمان. 

هەر لە بەیاننامەکەدا هاتووە:  وه‌ك راگه‌یاندنی زانكۆی سلێمانی به‌هه‌موو لایه‌كی راده‌گه‌یه‌نین، وشه‌ نه‌شیاوه‌كانی ئه‌و مامۆستایه‌ی به‌رامبه‌ر به‌ كچه‌ رۆژنامه‌نوسێك به‌كارهێنا، ره‌تده‌كه‌ینه‌وه‌ به‌ مامه‌ڵه‌یه‌كی نه‌گونجاوی ده‌زانین و له‌و چوارچێوه‌یه‌شدا سه‌رۆكایه‌تی زانكۆمان لیژنه‌یه‌كی لێكۆڵینه‌وه‌ی له‌سه‌ر ئه‌و مامۆستایه‌ پێكهیناوه‌و سزای خۆی وه‌رده‌گرێت .

لە کۆتایی بەیاننامەکەشدا جەختیان لەوەکردووەتەوە:  وشه‌كانی ئه‌و مامۆستایه‌ گوزارشت ته‌نها له‌ بۆچوونی خۆی ده‌كات نه‌ك زانكۆی سلێمانی، كه‌ پێده‌چێت له‌ توڕه‌بووندا ئه‌و وتانه‌ی وتبێت.

کامەران کەریم