مانگی ڕابردوو 107 نەشتەرگەری لەنەخۆشخانەی سلێمانی بۆ سووتاوی نەشتەرگەری و جوانکاری ئەنجامدراوە
(0) /
زایەڵە - مانگی ڕابردوو 107 نەشتەرگەری لەنەخۆشخانەی سلێمانی بۆ سووتاوی نەشتەرگەری و جوانکاری ئەنجامدراوە .
تەندروستی گشتی سلێمانی ڕایگەیاند: بەپێی ئاماری بەڕێوبەرایەتی گشتی تەندروستی سلێمانی لەماوەی مانگی ڕابردوو لەڕێكەوتی (1 بۆ 2023/11/30) لەنەخۆشخانەی سووتاوی و نەشتەرگەری جوانكاری ئیمێرجنسی لەشاری سلێمانی 1.501 كەس سەردانیان كردوە و چارەسەری پێویستیان بۆ كراوە.
ڕونیشیکردۆتەوە: ئەو نەخۆشخانەی مانگی ڕابردوو سەردانی نەخۆشخانەی سووتاوی یان كردوە 211 كەس سەردانی بەشی فریاكەوتن و 991 كەس سەردانی بەشی ڕاوێژكاری نەخۆشخانەكە و 299 كەس سەردانی بەشی چارەسەری سروشتییان كردوە.
هێمای بۆئەوەشکرد: لەماوەی مانگی ڕابردوودا لەنەخۆشخانەی سووتاوی و نەشتەرگەری جوانكاری 26 نەشتەرگەری سەرووگەورە و 81 نەشتەگەری گەورە ئەنجام دراوە، هەروەها 154 كەس داخڵ كراون و 29 كەسیان لەبەشی سووتاوی و 125 نەخۆشیان لەبەشی جوانكاری بووە.
کامەران کەریم
تێبينيێك بنێرە: