لەسبەینێوە لەچەمچەماڵ کوتانی دژی ڤایرۆسی کۆرۆنا دەست پێدەکات

هەڵمەتێکی تری کوتان دژی ڤایرۆسی کۆرۆنا Covid-19 لە مەڵبەندى تەندروستى چەرموو دەستپێدەکات.

بەپێی ڕاپۆرتی زایەڵە، تەندروستی چەمچەماڵ  ڕایگەیاند ، سبەینێ هەڵمەتێکی تری کوتان دژی ڤایرۆسی کۆرۆنا Covid-19 لە مەڵبەندى تەندروستى چەرموو دەستپێدەکات، بەڕێوەبەرایەتى تەندروستى چەمچەماڵ سەرجەم پزیشک و کارمەندانى تەندروستى نەخۆشخانە و مەڵبەند و بنکە و دامەزراوە تەندروستییەکانی تری سنورەکە ئاگادار دەکاتەوە ،کە سبەی دوو شەممە سەردانی ئەو مەڵبەندە بکەن بۆئەوەی ڤاکسینەکە لەخۆیان بدەن، هەفتەى ئایندەش  رۆژی دوو شەممە (٢٠٢١/٤/١٢) لە مەڵبەندى تەندروستى شەهید سەید جەوهەر لەناحیەی شۆڕش هەڵمەتەکە لەوێش دەستپێدەکات ، ڤاکسینەکە لەپێشدا پزیشک و کارمەندانی تەندروستی دەگرێتەوە و دوای ئەوان دەستدەکرێت بە پێدانی پێکوتەکە بە هاوڵاتیانی سنورەکە و ئەوانیش ڤاکسینەکەیان لێدەدرێت.

   تێبینی:
ــ ڤاکسینەکە لە جۆری (Astrazeneca)ی بەریتانیە
ــ لەئێستادا بڕی (1000) دۆز دابینکراوە .

کامەران کەریم