بۆ رێگریکردن لە بەرزبوونەوەی نرخەکەی هاوردەکردنیان کراوە دەبێت
(0) /
زایەڵە - بۆ پرکردنەوەی پێداویستی بازار و خواستی هاوڵاتیان لە پارێزگای سلێمانی پشت بە مریشک و هێلکەی پرۆژەکانی ناوخۆ دەبەسترێت، وە بۆ رێگری کردنیش لە بەرزبوونەوەی نرخ رێگە بە هاوردەکردنی گۆشتی سوور و ماسی دەدرێت.
بەمەبەستی دانانی هاوسەنگی بەروبومی ئاژەڵی و پەلەوەری لە پارێزگای سلێمانی، ئەمڕۆ پێنج شەممە ٤/٤/٢٠٢٤، لە دیوانی قائیمقامیەت، بە ئامادەبوونی لێپرسراوان و نوێنەرانی بەرێوەبەرایەتییەکانی (چاودێری بازرگانی، ئاسایشی ئابوری، تەندروستی و ڤیتێرنەری، کشتوکاڵی سلێمانی)، بە سەرپەرشتی ئاوات محمەد، قائیمقامی سلێمانی، لیژنەی دیاریكردنی بەروبومی ئاژەڵی و پەلەوەری و ماسی کۆبونەوەی مانگانەی خۆی ئەنجامدا.
لە کۆبونەوەکەدا، گفتوگۆ کرا لەسەر میکانیزمەکانی پاراستنی هاوسەنگی لەنێوان بەرهەمی ناوخۆیی و هاوردەكراودا، بە جۆرێک کە خواستی هاوڵاتیان و پێداویستی بازار پربکاتەوە، هاوکات رێگری پە بەرزبوونەوەی نرخ بکرێت، و گرنگی زیاتریش بە بەرهەمی ناوخۆیی بدرێت، و لەو پێناوەشدا بریار درا.بە هەماهەنگی لایەنە پەیوەندیدارەکان بۆ پرکردنەوی خواستی هاوڵاتیان و رێگری کردن لە بەرزبوونەوەی نرخ، پشت بە مریشک و هێلکەی پرۆژەکانی ناوخۆ ببەسترێت، وە هەروەها لە چوارچێوەی بریارو رێنماییەکانی حکومەتی هەرێمی کوردستان، رێگە بە هاوردەکردنی گۆشت و ئاژەڵی زیندوو و ماسی بدرێت.
کامەران کەریم
تێبينيێك بنێرە: