لەپارێزگای هەڵەبجە ، یادی ئەنفال کرایەوە

ئەمڕۆ ٤/١٤ لە مۆنۆمێنتی شەھیدانی ھەڵەبجە  بە دانانی تاجەگوڵینە لەبەردەم پەیکەری ئەنفال و ساتێك وەستان بۆ گیانی قوربانیانی ئەو تاوانە ، یادی ئەنفال کرایەوە.

بەپێی ڕاپۆرتی زایەڵە، بە ئامادە بوونی کۆمەڵە ی قوربانیان و نوێنەری ئە نفالکراوان و تۆڕی ڕێکخراوە کانی ھەڵەبجە بە دانانی تاجەگوڵینە لەبەردەم پەیکەری ئەنفال و ساتێك وەستان بۆ گیانی قوربانیانی ئەو تاوانە ، یادی ئەنفال کرایەوە.
 بەڕێوەبەری بەڕێوەبەرایەتی گشتی شەھیدانی ھەڵەبجە ئاماژەیان بەوە کرد ھەڵەبجە جگە تاوانی کیمیاباران  خاوەنی زیاتر لە ١٥٠٠ ئەنفالکراوە ، ئەمە جگە لە ١٦٠  ھاوڵاتی بەھۆی پرۆسەی ئەنفالەوە بێ سەروشوێنن و تا ئێستاش چارەنوسیان نادیارە .
ھەروەھاداوایان کرد ، حکومەتی ھەرێم ئاوڕی زیاتر کە کەسوکاری سەربەرزی شەھیدان و ئەنفالکراوان بداتەوە و ئەو کەسانەی کە تائێستا سودمەند نەبوون لە پێدانی مینحە ، مینحەیان بۆ ببڕرێتەوە ، وە بەزوترین کات کار بەو بڕیارەی ئەنجومەنی وەزیران بکرێت تایبەت بە پێدانی زەوی بە زیندانیانی سیاسی  .  زەوییان بەسەردا دابەشبکرێت .
وە ھەوڵبدرێت حکومەتی عێراق ناچاربکەن بە پێدانی قەرەبوو بە زیندانیانی سیاسی و شەھیدانی شاڵاوی بەدناوی ئەنفال .

کامەران کەریم