![بارزانی و باقری جەخت لە پەرەپێدانی پەیوەندی و دۆستایەتیی نێوان هەرێمی کوردستان و ئێران دەکەنەوە](/files/blog/blog-1718375760a1C.jpg)
بارزانی و باقری جەخت لە پەرەپێدانی پەیوەندی و دۆستایەتیی نێوان هەرێمی کوردستان و ئێران دەکەنەوە
(0) /
زایەڵە - مەسعود بارزانی سەرۆکی پارتی و عەلی باقری سەرپەرشتیاری وەزارەتی دەرەوەی ئێران بارودۆخی سیاسیی ناوچەکە و عێراق تاوتوێ دەکەن و جەخت لە پەرەپێدانی پەیوەندی و دۆستایەتیی نێوان هەرێمی کوردستان و کۆماری ئیسلامیی ئێرانیش دەکەنەوە.
ڕۆژی هەینی (14ـی حوزەیرانی 2024) لە سەڵاحەددین، مەسعود بارزانی پێشوازی لە عەلی باقری، سەرپەرشتیاری وەزارەتی دەرەوەی ئێران و شاندێکی یاوەری کرد.
لە دیدارەکەدا بارودۆخی سیاسیی ناوچەکە و عێراق تاوتوێ کرا و جەخت لە پەرەپێدانی پەیوەندی و دۆستایەتیی نێوان هەرێمی کوردستان و کۆماری ئیسلامیی ئێران بە تایبەت لە بواری ئابووری، بازرگانی و کولتووری کرایەوە.
هەر لەو دیدارەدا سەرپەرشتیاری وەزارەتی دەرەوەی ئێران پێزانینی بۆ هەڵوێستی هەرێمی کوردستان لە بەرامبەر ڕووداوی کەوتنەخوارەوەی هەلیکۆپتەر و گیان لەدەستدانی سەرۆککۆماری ئێران و یاوەرانی هەبوو، هەروەها سوپاسی وڵاتەکەی بۆ ناردنی شاندی تایبەتی هەرێمی کوردستان بۆ بەشداریکردن لە پرسەی گیان لەدەستدانی سەرۆککۆماری ئێران و یاوەرانی بە سەرۆک بارزانی گەیاند.
تێبينيێك بنێرە: